Filipenses 1:16 - Sirionó

¹⁶ Ae Cristo senei ñooño nguia nae, ũquɨ̃ ɨcuãte riqui seje ã. —Sã Pablo tarõ ji ñɨño, ɨ equia serɨɨ̃ ã. Cristo renei ñooño ã. Emo ndese ndua eã. Nyɨese chõ eriqui nguiã ndua.

Filipenses 1:16 ပူးပေါင်းရင်းမြစ်များ

1 Corintios 9:17

Se ae que andua eã nda. —Dios cheẽ tasenei senei, aeã ngue se ae ra. Dios chõ ngue ñee nguiã seje. —Secheẽ esenei senei mbia je, ɨ nguiã seje. Se ae andua mose, eɨ̃ nda Dios mbae mo mee ndei seje ucheẽ nenei nenei ndɨbɨshorõ. Dios rimbate quia se re.

2 Corintios 2:17

Ae Dios cheẽ senei senei ñooño nguia nae, ũquɨ̃ na eã ño ureɨco nguiã Dios cheẽ nenei nenei ure ã. —Mbae mo jembu rã ure je, ureã tuchɨ chõ nguiã Dios cheẽ nenei nenei mose jẽje ã. Sã eataque riqui Dios cheẽ abi abi erenei nenei mose no. Eɨ̃ eã ño ure re. Dios cheẽ uresenei turã ja chõ nguiã ure. Ureɨco mingue chõ nguiã erenei nenei ure ã. Dios chõ ngue ureirabo nguiã ure. Cristo quiato chõ ure re. Dios résaa chõ ureɨco nguiã echeẽ nenei nenei ã.

Filipenses 1:10

Eɨ̃ nda mbae turã jẽɨcua. Eɨ̃ nda jẽɨngo beɨ mbae turã ndese. Eɨ̃ nda Jesucristo ñee asiã jẽje tu mose.

Filipenses 1:12

à tasenei jẽje. Mbae ɨcuã ngue jeɨ̃ jeɨ̃ mbeɨte quia seje, ũquɨ̃ ngue Jesús cheẽ mbutiba eã mbeɨ ra. Ũquɨ̃ jeɨ̃ jeɨ̃ mose seje, mbia que jirandu tuchɨte quia Jesucristo rese cote ra.

Filipenses 1:5

Se Jesucristo cheẽ nenei namo mosenda beɨ chõ jẽɨngo nguiã ndua beɨ serese co. Nyebe jẽɨngo nguiã mbae mondo mondo beɨ seje co. Nyebe seya tuchɨ riqui nguiã jendese co.

Filipenses 1:7

Coche aɨco nguiã ndua ndua eɨ̃ jendese cco. Achesecua tuchɨte quiatu nguiã jendese. Jẽ ngue jẽɨngo beɨte quia serese ra. Jendua ndua beɨte que equia serese ra. Mbae mondo mondo beɨ seje. Mbia ɨcuã ɨcuã mose seje. Se mbia cheẽ ndiquisã quisã mose Jesús cheẽ sɨ. Mbia setarõ tarõ mose. Ũquɨ̃ mose abe que jẽɨngo beɨte serese ra. Dios turã ndese que nandeɨco mae mae mbeɨte ra.

Filipenses 2:22

Sã eriirĩ ndiqui mbae raã naa ngu rese no. Eɨ̃ sɨ que Timoteo quia serese ra. Jesucristo cheẽ nenei nenei mose serese. Siqui turã mbeɨte que equia serese ra. Ũquɨ̃ jẽɨcuate quia ũquɨ̃.

Filipenses 4:15

Jẽ ae chõ ngue mbae jemondo mondo beɨ nguiã seje. Se Jesús cheẽ nenei namo mose beɨ chõ ngue mbae jemondo mondo nguiã seje. Iglesia mo abe que mbae mee ãte seje ra. Jẽ ae chõ ngue re. Filipos jenda ja. Se Jesús cheẽ nenei nenei namo mose jẽje, aque mose beɨ chõ ngue mbae jemondo mondo seje. Seso ramo mose Macedonia sɨ.

Filipenses 4:3

Nde abe je tacheẽ, Seresenda. Ũquɨ̃ cuña emingo turã nyɨese. Eteaquiatu beɨ quia. Ũquɨ̃ ngue siqui beɨ serese Jesús cheẽ nenei nenei mose ra. Clemente rese abe no. Eataque rese abe no. Dios que ũquɨ̃ mbae nombre mɨɨ mɨɨ libro umbae rese ra. —Ũquɨ̃ nda siqui beɨ serese, ɨ que ra.