1 Timoteo 6:11 - Sirionó

¹¹ Eɨ̃ erechɨ̃ nda nde, Timoteo. Dios rimba tuchɨ chõ nde re. Mbae turã ndese beɨ eɨco. Dios rã mbeɨ chõ eɨco. Dios eɨcua beɨ chõ nguia. Echesecua beɨ chõ nguia mbia rese. Eɨco mingue chõ nguia. Ndecuasu ra eresaã saãchɨ̃ nguia jẽ.

1 Timoteo 6:11 ပူးပေါင်းရင်းမြစ်များ

Romanos 14:19

Nandeɨco turã nda nandechue chã. Eɨ̃ nande nda Jesús oseɨ oseɨ uquia nandechue chã.

1 Corintios 10:14

Seresenda, ¡dios raanguia rese ra jẽɨngochɨ̃ jẽ!

1 Corintios 14:1

¡Jenyesecuase tuchɨ quiatu quia mbia rese jẽ! Jeñee ño nguia Dios je. —Paba, ndequirãcuã emee na seje. Mbae raã naa sacuã ndeje, jenye beɨ chõ nguia Dios je. —Ndecheẽ asenei senei sete ndequirãcuã je, jenye chõ nguia ee.

1 Corintios 6:18

¡Jeninisiã ndese ra jẽɨngochɨ̃ jẽ! Mbae ɨcuã mo naa mose, ũquɨ̃ nda nanderete mbɨɨcuãyã jiri. Siqui mose ngũinisiã ndese, ũquɨ̃ nguia ra nanderete mbɨɨcuã tuchɨ cote.

1 Timoteo 1:14

Uturã ngue eteacuquia seje ra. Nguiirĩ ngue embuchecua seje ra. Nyebe aɨco nguiã Jesucristo ɨcua co cote. Nyebe aɨco nguiã nyesecua Jesucristo rese co cote.

1 Timoteo 4:12

Sã mbia ndecheẽ andu turã. Ameɨ eã ndaque nde. Mbae turã esaã saã nguia Jesús quiato résaa. Ũquɨ̃ siqui turã sacuã nde rã sɨ. Echeẽ turã mbeɨ quia mbia je. Eɨco turã mbeɨ quia mbae turã ndese. Echesecua tuchɨ quia mbia rese. Dios eɨcua tuchɨ quia. Mbae ɨcuã ndese ra eremae mae jirichɨ̃.

1 Timoteo 5:10

Ae ari turã aba chɨɨcuate nae, ũquɨ̃ achõ je chõ inscribir jenye. Ae ari nguiirĩ mbutiarõ turã mbeɨte quia nae. Ae ari mbia isi turãte quia uchuchúaa nae. Ae ari mbae turã saã saã mbeɨte quia Jesús quiato je nae. Ae ari erasi teaquiatu turã mbeɨte quia nae. Ae ari siqui beɨte quia mbae turã ndese nae. Ũquɨ̃ ari je chõ inscribir jenye.

1 Timoteo 6:20

Timoteo, ae rɨɨ̃ Dios ñee ndeje, ũquɨ̃ emumbayã mbeɨ quia. Mbia ñee ñooño mose nyue, nde abe ra erecheẽchɨ̃. Ũquɨ̃ ñee aba mundua turã eã ño nguiã. Uaquiatu raã naasa chõ ũquɨ̃ nde.

2 Timoteo 2:21

Sã Jesús quiato riqui mbae turã ndirurã na. Sã eriqui ɨcúe beɨ Dios mbaerã. Sã nyao tuchɨ mbae ɨcuã sɨ. Ũquɨ̃ mose ra Jesús ia tuchɨ erese.

2 Timoteo 2:22

Ae ɨcuã acuanɨndu choseɨ choseɨ quia nae, ũquɨ̃ sɨ ehuɨ chõ jẽ. Eɨco turã ño Dios ɨcha ruɨ jẽ. Dios eɨcua tuchɨ chõ nguia jẽ. Echesecua tuchɨ chõ nguia mbia rese jẽ. Echɨmbia chõ nguia mbia rese jẽ. Eɨ̃ ño Jesús quiato nguiã siqui turã nyɨese ã, echɨã quishĩ ja mose.

2 Timoteo 3:10

Ereɨco turãte que se rã sɨ ra, Timoteo. Dios cheẽ ngue eresenei senei nguia se rã sɨ ra. Ae asaã saã nguia Dios je nae, ũquɨ̃ ngue eresaã saã nguia nde abe ra. Ae “tasaã Jesús je” ae quia co nae, nde abe eresaã saã turã nguia aque. Dios ereɨcua tuchɨte se rã sɨ. Ereɨco minguete equia aque. Erechesecuate equia mbia rese aque.

2 Timoteo 3:17

Ɨ̃ nda Dios quiato siqui turã tuchɨ. Ɨ̃ nda eaquiatu mbae turã naa naa ja.

Hebreos 12:14

Jẽɨngo turã mbia ja rese. Dios rã sɨ chõ jẽɨngo. Dios rã sɨ nandeɨcoã mose, nandemae eã mbeɨ ra erese.

1 Pedro 3:11

Jenyɨcuasẽ ño nguia mbae ɨcuã sɨ. Mbae turã ño jẽsaã nguia. Jẽturã ño nguia mbia ja je jẽ.