1 Tesalonicenses 1:9 - Sirionó

⁹ Ũquɨ̃ nguia ñee turãte nguiã jenɨɨ ũquɨ̃. —Tesalónica jenda que Pablo isi turã nda. Pablo resenda abe isi turã. Huɨ tuchɨ que Dios raanguia sɨ ra. Siqui beɨ nonde Dios reco rese cote, ɨ equia jenɨɨ ũquɨ̃.

1 Tesalonicenses 1:9 ပူးပေါင်းရင်းမြစ်များ

Mateo 16:16

—Cristo chõ nde resẽ. Dios riirĩ ño nde resẽ, ɨ que Pedro ee ra.

Hechos 14:15

—¿Mbaerã nda re, mbia? ¿Mbaerã nda ticuasu jẽɨquia ure je re? Mbia chõ ure re. Jẽ na sɨ chõ ure resẽ. Dios eã ño ure resẽ. Nyebe urechu nguiã Dios cheẽ turã nenei nenei jẽje ã. Ã mbae ɨcuã jẽsecha ja chõ. Dios quiarei ereco. ¡Ae ruɨ jẽɨngo! Ae que ibei chao ra. Ae que ibi chao no nda. Ae que ama nyao no nda. Ae que mbae chao ja ra. Mbae aosa ruɨ jẽɨngo.

Romanos 9:26

“Seresenda eã ño jẽ nde”, ɨ que Dios ñee ee nyii ra. Hue jenda sɨ́ je ra Dios ñee cote. “Seresenda chõ jẽ cote re”, ɨ ra Dios sɨ ñee ee cote, ɨ que Oseas Dios cheẽ mbesa ra.

1 Corintios 12:2

Dios abareã ndese que jẽɨngo tuchɨ nyii ra. Mbia que jemingo tuchɨ dios abareã tubɨrɨã ndese nyii ra. Dios abareã aba cheẽ andu aroneãte. Ũquɨ̃ jẽɨngo Jesucristo rese ũquɨ̃ cote.

1 Tesalonicenses 2:1

Ureso chooño eã ngue equia jendea ra, Seresenda. Dios cheẽ ngue uresenei tuchɨ quia jẽje ra. Jẽisi turã turãte que equia ra. Ureso mose jendea.

1 Tesalonicenses 2:13

Gracias, ure beɨ equia Dios je jenɨɨ a. Dios cheẽ nguiatu ngue jẽisi turãte nguiã. Ure Dios cheẽ nenei nenei mose jẽje, jẽisi turã ngue ra. Mbia cheẽ na eã ngue Dios cheẽ jẽje ra. Dios cheẽ ngue jembuturã nda. Jẽ eisi mose. Gracias ure que Dios je, jẽ echeẽ isi mose ra.

1 Timoteo 4:10

Dios cheẽ nɨɨ ño ureɨco nguiã quɨcoɨ coɨ ã. Dios cheẽ nɨɨ ño ureɨco nguiã ñɨmbirãcuã mbae ja rese ã. Dios reco quiatu ureɨcuate nguiã ã. Ae que mano mbia ja je ra. Ae eɨcuate quia nae, ũquɨ̃ nda emingo beɨ.

Hebreos 12:22

Eɨ̃ jenye eã ño jẽ nde. Dios jembusiquiche ãte quia jẽ co. Dios recua jẽsɨɨchã tuchɨ quia jẽ ã. Dios reco chuchua. Jerusalén naanguia ibatenda jẽsɨɨchã tuchɨ quia jẽ ã. Angeles tubɨrɨã abe jẽsɨɨchã tuchɨ quia ã no.

1 Juan 5:21

Seriirĩ, Dios aba reã ndese ra jẽɨngochɨ̃. Amén.

Apocalipsis 17:2

Mbia rerecua que siqui siqui jate quia erese ra. Mbia ataque abe no. Ae que mbia mbɨɨcuã jate quia ra, ɨ que ángel ñee seje cuu ra.