1 Corintios 12:11 - Sirionó

¹¹ Eɨ̃ ño Espíritu Turã mɨɨ nguiã ucheẽ mbuchao chao nande je co. Nandechɨsaã saã sacuã mee mee nande ae ae je co. Eɨ̃ ño Espíritu Turã mɨɨ nguiã uquirãcuã mbuchao chao nande je co no. —Co esaã nde, co esaã nde no, ɨ chõ nguiã nande ae ae je co.

1 Corintios 12:11 ပူးပေါင်းရင်းမြစ်များ

Mateo 11:26

Ũquɨ̃ ño ngue eturã ndeje ra, Paba, ɨ que Jesús ra.

Mateo 20:15

Sembae ae rese aɨco nguiã. Sembae amondose mose emo je, ¿amondo aroneate se re? Se sembae mee mose emo je, ¿ndebiãte ũquɨ̃ nde?” ɨ que echa ñee ee ra.

Juan 3:27

Juan ngue ñee ee ra. —Coche ñene. Dios ibatenda quiarei. Emo siqui aroneate mbia rerecuarã, Dios emingo sereã mose.

Juan 3:8

¿Mbaranguiti sɨ quɨrɨrɨã ndiqui ɨchu re? ¿Mbaranguiti ra esɨ re? Ereɨcuayãte. Quɨrɨrɨã erechandu raque. Eremae ãte erese. Eɨ̃ sɨ chõ Dios riirĩ nde. Ae nyaacuquia Dios je nae, ɨ que Jesús ee ra.

Juan 5:21

Paba mbia raaque mbuquera quera. Se abe ra mbia raaque ambuquera quera. Ae amɨngo beɨ sete, ũquɨ̃ abe ra amɨngo beɨ.

Romanos 12:6

Dios turã tuchɨ que nande je ra. —Co rese eɨco nde. Ã ndese eɨco nde, ɨ Dios quia nandembuchao chao co. Ũquɨ̃ naa sacuã Dios riqui uquirãcuã mee mee nande je co. —Secheẽ esenei senei, ɨ mose Dios emo je, sã aque echeẽ nenei nenei turã echeẽ nduɨ sɨ.

Romanos 9:18

Dios ia eãse mose emo ndese, eya eã nda erese. Dios emo ñɨa matãse mose, matã ndae.

1 Corintios 12:18

Dios ae que nanderete resenda mɨɨ ja ja cose ra. —Co tamɨɨ a, co abe tamɨɨ a no, ɨ jaaja que nanderete resenda mɨɨ mɨɨ nda.

1 Corintios 12:4

—Co esaã nde, co rese eɨco nde, ɨ jaaja que Dios nande ae ae je ra. Espíritu Turã mɨɨ ño siqui beɨ nguiã nande ja rese co. Jesucristo mɨɨ ño siqui nguiã nanderese co. Jesucristo mo eãte emo. Dios mɨɨ ño siqui nguiã nandembuquirãcuã co no. Dios mo eãte emo.

1 Corintios 7:17

—Eɨ̃ jenye chõ nguia jẽ ae ae, ɨ que Dios nandechɨaorã mee mee nande je ra. Ũquɨ̃ ndese nandeɨco beɨ quiatu nande ae ae. Dios que ñee nande je nyii, aque mosenda rã sɨ beɨ chõ nandeɨco. Ũquɨ̃ ño asenei senei nguiã Jesús quiato ɨshonda jaje abe.

1 Corintios 7:7

—Sã Jesús quiato ja ninisiã ndiqui se rã sɨ, ae rei que se ra. Dios cheẽ eã ño ũquɨ̃ nde. Nandechɨsaã ae aerã ño Dios mondo nguiã nande je. Emo ninisiã siqui turã arondete. Emo ae ngũinisi quereco sete nguiã no.

2 Corintios 10:13

Seturã nda asaã saã eã. Dios ae chõ “hue eso, pe eso”, ɨ nguiã seje co. Ae chõ ngue semondo nguiã jendea.

Efesios 1:11

Ae Cristo saã nande je nae, ũquɨ̃ nɨɨ ño ngue Dios nandeirabo nguiã cose. Mbae tiã mose que Dios nandeirabo nyii ra. Ae sɨ́ mbae turã naa naa sacuã nande je. Dios cheẽ nguire mbae riqui nyecua beɨ ã.

Efesios 4:7

Dios que nandechɨsaã ae aerã mee nande je ra. Cristo que uturã mee mee nande je ra. Ae ra nandesaã saã, ũquɨ̃ naa naa turã sacuã.

Hebreos 2:4

—Jesucristo ñee ñooñoa ño nguia re, ɨ sacuã mbia que Dios mbia mae sayã naa naa nda. Milagros tubɨrɨã. —Jesucristo ñee ñooñoa ño nguia re, ɨ sacuã mbia que Dios Espíritu Turã mondo mbia je no nda. Ae je Dios Espíritu Turã mondo mondo sete nae, ũquɨ̃ je chõ ngue Espíritu Turã mondo ra.

Santiago 1:18

Sã Dios riqui seriirĩ ɨ nande je no. Nande echeẽ ɨcua mose nandechɨangui re. —Jẽ nane je aɨco seriirĩ ɨ co, ɨ que Dios nane je ra. Dios riirĩ tubɨrɨã tuchɨ ra ngaẽ nanderuɨ cote.