Tjabukama 19:2 - Saramaccan

² Hën a hakisi de taa: “Fa un ko ta biibi aki, di Akaa u Masa Gadu hën ko a unu liba nö?” Hën de piki ën taa: “Wë nönö, wa bi jei soni u di Akaa dë wan daka.”

Tjabukama 19:2 ပူးပေါင်းရင်းမြစ်များ

Johanisi 7:39

Wë nöö fa a fan naandë, a ta taki u di Akaa u Gadu di dee sëmbë ta biibi nëën o kisi a bakaten. Biga di juu dë, sëmbë an bi kisi di Akaa eti fu di Masa Jesosi an bi toona go a Gadu Köndë faa feni di nëbai fëën eti.

Tjabukama 10:44

Nöö Petuisi an kaba u fan seei, hën di Akaa u Gadu ko a hii dee sëmbë dë tuu liba, dee ta jei di buka.

Tjabukama 19:5

Nöö di de ko jei sö, nöö hën de toona dopu de a di në u Masa Jesosi.

Tjabukama 2:17

Masa Gadu manda wan buka ko taa: ‘A di kaba ten u goonliba mi o du wan soni. Mi o da hii pei sëmbë di Akaa u mi. Dee womi mii fuunu ku dee mujëë mii fuunu o ta kisi fan a Gadu ta konda da sëmbë. Dee kijoo mii fuunu o ta si soni u mi ku wojo limbo. Dee gaan womi o ta sunjan soni u mi.

Loomë 1:11

Biga wë mi hangi u si unu gaanfa seei, dee sëmbë, u mi musu tja wan soni u di Akaa u Gadu ko paati ku unu, be di biibi fuunu ko möön taanga.

1 Kolenti 6:19

Dee sëmbë o, wan sabi taa di sinkii fuunu dë wan wosu u di Akaa u Masa Gadu nö? Di Akaa fëën di i si a da unu dë, a unu hati wë a ta libi e. Nöö wan dë basi fuunu seei ˻möön˼,

Galasia 3:5

Nöö fa Masa Gadu ta da unu di Akaa fëën ta du foombofoombo soni a unu dë, nöö faandi mbei a ta du sö? Fu di un ta hoi wëti mbei nö, naa fu di un bi jei di Buka nöö un ko ta biibi nëën?