Maikusi 12:11 - Saramaccan

¹¹ Masa Gadu seei wë du di soni sö e, nöö a dë wan gaan foondo soni seei da u. Na sö di Buku taki ö?”

Maikusi 12:11 ပူးပေါင်းရင်းမြစ်များ

Mateosi 21:42

Nöö hën Masa Jesosi hakisi de, a taa: “Wan sabi fa de taki a di Buku u Gadu nö? De taa: Dee sëmbë ta mbei sitonu wosu, de si wan sitonu taa an bunu, nöö hën de tuwëën a kapëë. Ma nöö bakaten, hën di sitonu dë ko di mama posu u di wosu. Masa Gadu seei wë du di soni sö, nöö a dë wan gaan foondo soni da u. Sö wë di Buku taki.

Tjabukama 2:12

Nöö hën de fika ta hakisi de na de nöömö taa: “Andi disi maingë? Wa fusutëën e!”

Kolosën 1:27

Biga a kë fuu ko sabi di gaan bunu di a kë da hii sëmbë. Nöö di gaan waiti bunu u ta taki aki, hën da te i ko piki di buka, nöö Masa Jesosi Keesitu seei o ko ta libi a i hati, ˻ee i da Isaëli sëmbë, ee ja dë Isaëli sëmbë˼. Nöö te di juu dou faa toona ko kisi di nëbai fëën a goonliba aki, nöö i seei o dë a dendu tu.

1 Timoteo 3:16

Wë nöö dee soni u ta biibi, womi, gaan soni de dë e. A fesi de bi dë tjubitjubi, ma fa u dë aki de ko a limbo da u fuu sabi. De da: Gadu tei libisëmbë sinkii ko libi a goonliba aki. Nöö di Akaa fëën bi dë ku ën tee hii mundu ko si taa a a’ leti a dee soni a ta fan. Dee basia u Masa Gaangadu köndë seei bi dë kotoigima fëën. Dee bakama fëën tja soni fëën go konda da peipei nasiön u goonliba, nöö sömëni sëmbë ko biibi ën. Hën seei wë Masa Gaangadu tei tja go a di waiti köndë fëën a liba ala. De wë i si da dee soni dee u ta biibi, womi. Nöö ee wan sëmbë i ta biibi dee soni aki kaa, nöö a o heepi i fii kisi di fasi u Gadu a i libi.