Lukasi 22:31 - Saramaccan

³¹ Nöö hën Masa Jesosi kai Petuisi, a taa: “Simon o.” Hën a piki. Hën a taa: “Haika e, mi o taki wan soni da i. Di didibi Saatan hakisi pasi faa pooba unu e. Nöö a o pooba unu leti kuma te wan sëmbë ta fon alisi ta böö, faa musu sabi undi da di kakisa, undi da di njanjan.

Lukasi 22:31 ပူးပေါင်းရင်းမြစ်များ

Mateosi 26:30

Nöö di u njan te u kaba kaa, hën u kanda wan kanda da Masa Gaangadu te u kaba, hën wë u hopo kumutu naandë ta waka nango a di kuun de kai Oleifi Kuun.

Mateosi 4:10

Nöö fa di didibi fan te tjika dë, nöö hën Masa Jesosi gandji dëën awaa. A taa: “Hetji pasa kumutu a mi fesi aki, ju didibi Saatan! Biga di Buku u Gadu taki taa ja musu begi na wan oto soni a mundu möön leki Gadu i Masa. Hën tö nöö i musu ta dini.”

Lukasi 10:41

Hën Masa Jesosi piki ën taa: “Wë Maita o, mujëë, haika e. I dë ku gaan pakisei ta booko hedi a sömëni soni.

Tjabukama 9:4

Hën a pasa kai a goon. Hën a jei wan töngö kai ën tu pasi taa: “Saulosu! Womi Saulosu!” Hën a piki. Hën a taa: “Andi mbei i ta sitaafu mi sö u du?”

1 Kolenti 5:5

Nöö un tei di sëmbë dë nöö un tuwëën disa da di didibi be a du ku ën te di hogi a du dë kaba nëën hati, fu di akaa fëën an musu go kaba a sösö a di daka Masa Jesosi o ko.

2 Kolenti 2:11

Nöö a sö wan fasi u musu libi tu, fu didibi an wini u. Biga u sabi andi dë nëën hati, taa a sai dë ta boi köni faa kisi u.

1 Petuisi 5:8

Nöö mi taki e, un musu dë setiseti ku wojo limbo. Biga di gaan felantima fuunu de kai di didibi ta waka zuuu sö ta lontu leti kuma hogimbeti ta suku ambë a sa feni faa tënë pisipisi njan.

Akoalimbo 12:10

Nöö hën mi jei wan taanga töngö sö kumutu a Gadu Köndë taa: Aai, u böö e. Awa u si di heepi u di Gadu fuu fa a bigi tjika. U ko si di gaan kaakiti fëën di a abi. Aai. Awa di Tii fëën o paaja a mundu awaa. Nöö woo ko si di Könu fëën di a bi paamusi faa da u, fa a abi taki tjika. Biga di könkuma an dë a liba aki möön e. Fa a bi dë aki, a bi ta sei dee otowan fuu da Gadu ndeti ku didia, nöö awa de vindëën puu aki tuwë go a goon.