Lukasi 1:51 - Saramaccan

⁵¹ Nöö a taanga, a a’ makiti u du soni. Biga a jaka dee gaanfasi sëmbë ku dee bigimëmbë wan paaja.

Lukasi 1:51 ပူးပေါင်းရင်းမြစ်များ

Loomë 1:21

Ma hii fa dee lö sëmbë dee u bi taki dë sabi Gadu seei, ma nöö de an ta lesipeki ën ta dëën di hei di a abi taa a dë Gadu. Na tangi seei de ta dëën. Nöö fëën mbei de ko ta pakisei sösö soni, hati u de ta mëni wisiwasi te de an abi bumbuu fusutan möön.

2 Kolenti 10:5

Ku de u ta poi hii dee sösö fia ku dee gaan heihei sabi dee sëmbë ta tei ta tja ko u puu sëmbë a pasi fu de an sabi Gadu kumafa a dë. Nöö u ta booko hiniwan poipoi pakisei, be sëmbë ko si taa na bumbuu soni a dë, be de disëën nöö de ko piki Masa Jesosi buka nöö.

1 Petuisi 5:5

Nöö awaa mi o taki wan soni da un dee kijoo mii tu taa un mëni dee sëmbë dee dë gaan wan fuunu e, fuun saka unu seei a de basu. Nöö hiniwan daka un musu ta abi saka fasi da unu na unu, kuma wan koosu di i lo’ u ta bisi hiniwan daka, an ta kumutu a i sinkii. Sö di sakafasi musu dë gaan soni da unu tjika. Wë biga a dë a di Buku taa: Gadu dë felantima u dee sëmbë dee abi gaan fasi, ma dee sakafasi sëmbë a ta heepi ku ën bunuhati.

Akoalimbo 18:8

Nöö fëën mbei wë a o kisi dee lö sitaafu dë e. A di wan kodo daka de o ko nëën liba seei gililii sö ku telu. Aai. Ee fuu taki ën, nöö kusumi, ku hangi ku dëdë tuu o ko nëën a di wan kodo daka. Faja o ko tjumëën kaba a sösö djee. Biga di Kuutuma fëën da Masa Gaangadu seei di abi hii kaakiti u mundu.” Sö di fan di kumutu a liba ala, nöö sö a taki e.