Loomë 14:11 - Saramaccan

¹¹ Wan jei fa a dë a di Buku ö? Gadu taki e, taa: Fa i si mi ta libi nöömö aki, nöö mi soi taa hiniwan sëmbë seei kaa o tjökö kini a mi fesi nöömö wan daka. Nöö söseei hiniwan sëmbë o jabi ën buka piki mi a dee soni dee a bi du. Sö Gadu taki e.

Loomë 14:11 ပူးပေါင်းရင်းမြစ်များ

Mateosi 10:32

“Nöö mi taki e, taa ee ja fëëë fii piki a lanti fesi taa mi ku i nama, nöö miseei tu ma o fëëë u piki mi Tata a liba ala taa mi ku i nama.

Loomë 10:9

Biga ee i jabi i buka piki taa Jesosi hën nöö da Masa u mundu, nöö i biibi a i hati taa Gadu bi weki ën a dëdë toona dëën libi, nöö i feni di heepi u Gadu kaa.

Loomë 15:9

Nöö a ko a goonliba fu dee oto köndë sëmbë na u Isaëli tu, fu de sa si di gaan tjalihati u Gadu di a abi, be në fëën bai. Ja sabi fa wan sëmbë sikifi a di Buku ö, u dee sëmbë na Dju. A fan ku Gadu taa: Fëën mbei mi o gafa i në a dee oto köndë sëmbë dendu dee na Dju. Mi o ta kanda ta bai di në fii. Sö a sikifi a di Buku e.

1 Johanisi 4:15

Nöö di sëmbë di piki a lanti taa Masa Jesosi hën da di Womi Mii u Gadu tuu, nöö di sëmbë dë, hën ku Gadu ta libi makandi. De ko di wan.

2 Johanisi 1:7

Nöö di soni mbei mi taki sö, fu di wanlö hia sëmbë ta waka ta lontu ta mindi soni taa Jesosi Keesitu an bi ko dë libisëmbë a goonliba aki. Nöö dee sëmbë dë, de da ganjansëmbëma e. De da buusema u di Paamusi Könu Masa Gadu manda ko da u.

Akoalimbo 5:14

Nöö fa de ta kanda dë, nöö dee fö libilibi sondi dë ta piki taki: “Aai, leti sö a dë tuu.” Nöö de tuwenti-a-fö tiima ta tuwë deseei a goon ta hei Masa Gadu di dë sindosindo a di könubangi naandë. ˻Sö wan gaan soni mi si e, dee sëmbë.˼