Akoalimbo 13:7 - Saramaccan

⁷ Nöö a ta feni pasi tu faa feti ku dee sëmbë u Gadu wini de. Fa a sai dë, nöö a feni taki a hii sëmbë u goonliba liba, a hii pei nasiön, ku hii pei lö, ku hii pei föluku dee ta fan dee peipei töngö u goonliba, de tuu ko dë nëën basu.

Akoalimbo 13:7 ပူးပေါင်းရင်းမြစ်များ

Akoalimbo 11:7

Ma nöö a baka u di de o kaba dee fan u de dë, nöö wan gaan taku mbeti, hogi wan, o kumutu a di baaku di na abi goon naandë dendu, nöö a o ko feti ku de te a wini de, nöö a o kii de.

Akoalimbo 12:17

Nöö hën di di kaima si taa wë nönö, an sa kisi di mujëë möönsö, nöö hati fëën boonu te na soni. Hën a taa: “Mi o go buta ku dee oto mii fëën awaa.” Nöö dee oto mii fëën, de da dee sëmbë dee ta piki Gadu buka ta hoi a dee lei u Jesosi dee a bi konda da de.

Akoalimbo 17:15

Nöö hën di basia fan ku mi möön taa: “Dee wata dee i si di mujëë dë a de mindi sindosindo naandë, nöö de wë da dee gaan hia sëmbë u mundu e, dee peipei nasiön sëmbë, ku dee peipei lö, ku dee peipei föluku ta fan dee peipei töngö u goonliba.

Akoalimbo 11:18

Dee peipei nasiön u goonliba, hati u de bi ta boonu ku i. Ma awaa ufö i seei hati o ko boonu ku de awaa. Biga di juu fii kisi fii musu kuutu dee dëdë sëmbë. Di juu kisi fii paka dee futuboi fii, dee tjabukama ku dee sëmbë fii dee bi ta hopo i në, lagiwan ku heiwan tuu. De tuu o kisi di paima u de awaa. Dee sëmbë dee bi poi di goonliba fii kaba a sösö, nöö awaa juu fii kisi fii poi de kaba a sösö tu. Sö de tuwenti-a-fö tiima ta taki.

Johanisi 19:11

Hën Masa Jesosi piki ën taa: “Wë nönö, ja sa abi sö wan makiti a mi liba, ee na Gadu hën da i ën. Fëën mbei di sëmbë di i si tja mi ko da i aki, hën du di möön gaan hogi.”

Akoalimbo 10:11

Nöö hën di basia fan ku mi möön taa: “Haika e. Masa Gadu o lei i sömëni soni eti dee o pasa ku dee könukönu, ku dee nasiönnasiön, ku hii pei sëmbë dee ta fan dee töngötöngö u goonliba. Nöö te a lei i dee soni, nöö joo ta konda de tuu da sëmbë e.” Nöö sö di basia fan ku mi te a kaba.

Akoalimbo 5:9

Nöö hën de ta kanda wan njunjun kanda da di Sikapumii taa: I wë bumbuu tjika u tei di pampia lolu booko dee sitampu fëën e. Biga i wë de bi kii. Ku di buuu fii i paka di paima bai libisëmbë da Gadu kumutu a hii pei nasiön, ku hii pei lö, ku hii pei föluku, ta fan hii dee peipei töngö u goonliba tuu.