2 Kolenti 5:7 - Saramaccan

⁷ Nöö na ku si u ta libi eti e, ma ku biibi.

2 Kolenti 5:7 ပူးပေါင်းရင်းမြစ်များ

1 Kolenti 13:12

Nöö söseei fa u dë aki, wa ta si soni limbolimbo eti e, ma u ta si soni vitiviti sö. Ma a bakaten woo ko ta si soni gbegedee kuma u dë fesi ku fesi. Fa mi dë aki, wan piki soni sö nöö mi sabi, ma bakaten mi o ko sabi soni limbolimbo, leti kumafa Gadu seei sabi mi kaa.

2 Kolenti 1:24

Fa mi fan dë, dee sëmbë, an dë kuma mi kë buta miseei basi a unu liba ta taki da unu fa un musu biibi möön e, biga un dë gingin a di biibi kaa. Ma heepi nöö mi kë heepi unu fuun sa ta dë waiwai te dou.

2 Kolenti 4:18

Hën mbei wa ta luku a dee soni dee u ta si ku wojo nöö e. Ma u ta tuwë wojo ta luku a dee soni a Gadu ala, ka libisëmbë wojo an sa si dou. Biga dee soni dee u ta si ku wojo aki, de dë u wan pisiten nöö, ma dee soni a Gadu ala ta dë u teego.

Galasia 2:20

Biga fa ˻Masa Jesosi˼ Keesitu dëdë a di lakpa pau dë, nöö mi ku ën tuu wë dëdë naandë e. Biga u dë di wan. Nöö di libi i si mi abi aki, na miseei ta libi ën möön. Masa Jesosi seei hën dë a mi hati ta tii mi. Nöö hii fa mi ta libi a di goonliba aki, nöö ku biibi nöö a di mii u Masa Gadu liba, di bi lobi mi tee a tei mi dëdë dëdë da mi.

Hebelejën 10:38

Nöö di sëmbë di biibi te a ko gbelingbelin a mi wojo, hën o feni libi. Ma ee i ta hai baka disa nöö ma o a’ piizii ku i e. Sö Gadu taki e, dee sëmbë.

1 Petuisi 1:8

Fa Masa Jesosi sai dë, dee sëmbë, hën da di Sëmbë di wan bi si wan daka, ma tökuseei un ta lobi ën. Hii fa wan ta si ën fa u dë aki seei, ma un ta biibi nëën liba, nöö hën Gadu buta wan gaan wai a unu hati te wan sa kondëën da sëmbë fa a dë.

1 Petuisi 5:9

Nöö i musu abi biibi a Gadu fii sa taanpu tuwë gogo dëën e, be an feni i kisi. Fa un ta tja sitaafu dë fu di un ta biibi ën hedi, nöö na unu nöö ta tja dee sitaafu dë e, dee sëmbë. Sö nöö dee otowan fuunu dee ta biibi Masa a kamiankamian a di goonliba aki ta tja de tu.