Zabura 13:4 - Sabon Rai Don Kowa 2020

⁴ abokin gābana zai ce, “Na sha ƙarfinsa,” kuma abokan gābana za su yi murna sa’ad da na fāɗi.

Littafi Mai Tsarki

⁴ Sa'an nan maƙiyana ba za su ce, “Ai, mun yi nasara da shi” ba! Ba za su iya yin murna saboda fāɗuwata ba.

Zabura 13:4 ပူးပေါင်းရင်းမြစ်များ

Zabura 25:2

A gare ka na dogara, ya Allahna. Kada ka bari in sha kunya, ko ka bar abokan gābana su yi nasara a kaina.

Irmiya 1:19

Za su yi yaƙi da kai amma ba za su ci nasara a kanka ba, gama ina tare da kai, zan kuma kiyaye ka,” in ji Ubangiji.

Karin Magana 12:3

Ba yadda mutum zai kahu ta wurin aikata mugunta, amma ba za a tumɓuke adali ba.

Zabura 62:6

Shi ne kaɗai dutsena da cetona; shi ne kagarata, ba zan jijjigu ba.

Zabura 38:16

Gama na ce, “Kada ka bar su su yi farin ciki a kaina ko su yi kirari a kaina sa’ad da ƙafata ta yi santsi.”

Yoshuwa 7:9

Yanzu Kan’aniyawa da sauran jama’a za su ji, za su zo su kewaye mu su share sunanmu daga duniya. To, yanzu me za ka yi don girman sunanka?”

Makoki 1:16

“Dalilin da ya sa nake kuka ke nan idanuna kuma suna ta zubar da hawaye. Babu wani a kusa da zai yi mini ta’aziyya, ba wanda zai sabunta ruhuna. ’Ya’yana sun zama fakirai domin maƙiyina ya yi nasara.”

Zabura 112:6

Tabbatacce ba zai taɓa jijjigu ba; za a tuna da mai adalci har abada.

Zabura 62:2

Shi kaɗai ne dutsena da cetona; shi ne kagarata, ba zan jijjigu ba.

Zabura 55:22

Ku kawo damuwoyinku ga Ubangiji zai kuwa riƙe ku; ba zai taɓa barin mai adalci yă fāɗi ba.

Zabura 35:25

Kada ka bari su ce wa kansu, “Allah yă ƙara, dā ma abin da mun so ke nan!” Ko su ce, “Mun haɗiye shi.”

Zabura 35:19

Kada ka bar maƙaryatan nan, su yi farin ciki a kaina; kada ka bar waɗanda suke ƙina ba dalili, su ji daɗin baƙin cikina.

Zabura 10:11

Yakan ce wa kansa, “Ai, Allah ya manta; ya rufe fuskarsa ba ya gani.”

Zabura 9:19

Ka tashi, ya Ubangiji, kada ka bar wani yă yi nasara; bari a hukunta al’ummai a gabanka.

Ezra 9:8

“Amma a yanzu a wannan ɗan lokaci Ubangiji Allahnmu ya yi mana jinƙai, ya bar mana saura, ya kuma ba mu wuri a wurinsa mai tsarki, ya kuma ba mu ganin haske, ya ɗan rage mana nauyin bauta.