Zabura 1:2 - Sabon Rai Don Kowa 2020

² Amma yana jin daɗin bin dokar Ubangiji, kuma yana ta nazarinta dare da rana.

Littafi Mai Tsarki

² Maimakon haka, yana jin daɗin karanta shari'ar Allah, Yana ta nazarinta dare da rana.

Zabura 1:2 ပူးပေါင်းရင်းမြစ်များ

Yoshuwa 1:8

Kada ka bar Littafin Dokokin nan yă rabu da bakinka, sai dai ka yi ta tunani game da shi dare da rana, don ka lura, ka yi duk abin da aka rubuta a ciki, ta haka ne za ka yi nasara cikin duk abin da za ka yi.

Zabura 119:92

Da ba don dokarka ce farin cikina ba, da na hallaka a cikin azabana.

Zabura 119:11

Na ɓoye maganarka a cikin zuciyata don kada in yi maka zunubi.

Romawa 7:22

Gama a ciki-cikina ina farin cikin da dokar Allah;

Irmiya 15:16

Sa’ad da maganganunka suka zo, na cinye su; suka zama abin farin ciki zuciyata kuma ta yi murna, gama ana kirana da sunanka, Ya Ubangiji Allah Maɗaukaki.

Zabura 119:35

Ka bi da ni a hanyar umarnanka, gama a can zan sami farin ciki.

Zabura 112:1

Yabi Ubangiji. Mai albarka ne mutumin da yake tsoron Ubangiji, wanda yakan sami farin ciki mai girma a umarnansa.

Zabura 104:34

Bari tunanina yă gamshe shi, yayinda nake farin ciki a cikin Ubangiji.

Zabura 40:8

Ina sha’awar aikata nufinka, ya Allahna; dokar tana cikin zuciyata.”

Zabura 119:1

Albarka ta tabbata ga waɗanda rayuwarsu ba ta da abin zargi, waɗanda suke tafiya bisa ga dokar Ubangiji.

1 Yohanna 5:3

Ƙaunar Allah ita ce, a yi biyayya da umarnansa. Umarnansa kuwa ba masu nauyi ba ne;

Ayuba 23:12

Ban fasa bin dokokin da ya bayar ba; na riƙe maganarsa da muhimmanci fiye da abincin yau da gobe.

1 Timoti 4:15

Ka yi ƙwazo cikin waɗannan batuttuwa; ka ba da kanka gaba ɗaya gare su, don kowa yă ga ci gabanka.

Zabura 119:72

Doka daga bakinka ya fi mini daraja fiye da azurfa da zinariya guda dubu.

Luka 2:37

ta kuwa zama gwauruwa sai da ta kai shekaru tamanin da huɗu. Ba ta taɓa barin haikali ba, tana sujada dare da rana, tana kuma azumi da addu’a.

2 Timoti 1:3

Na gode wa Allah wanda nake bauta wa, kamar yadda kakanni-kakannina suka yi da lamiri mai tsabta, yadda kullum dare da rana ina tuna da ku a cikin addu’o’ina.

1 Tessalonikawa 2:9

Ba shakka kuna iya tunawa, ’yan’uwa, famarmu da kuma wahalarmu; mun yi aiki dare da rana don kada mu zama nauyi wa wani yayinda muke muku wa’azin bisharar Allah.

Luka 18:7

Ashe, Allah ba zai biya wa zaɓaɓɓunsa da suke masa kuka, dare da rana adalci ba? Zai ci gaba da ƙin sauraronsu ne?

Zabura 88:1

Ya Ubangiji, Allah wanda ya cece ni, dare da rana ina kuka a gabanka.

Farawa 24:63

Wata rana da yamma ya fita zuwa fili domin yă yi tunani, sa’ad da ya ɗaga ido, sai ya ga raƙuma suna zuwa.

Ezra 7:10

Gama Ezra ya miƙa kansa ga bincike da kuma kiyaye Dokar Ubangiji, da kuma koya wa Isra’ilawa dokoki da kuma umarnan Ubangiji.