Romawa 16:20 - Sabon Rai Don Kowa 2020

²⁰ Allah na salama zai tattake Shaiɗan ba da daɗewa ba yă kuma sa shi a ƙarƙashin sawunku. Alherin Ubangijinmu Yesu kuma yă kasance tare da ku.

Littafi Mai Tsarki

²⁰ Allah mai ba da salama kuwa, zai sa ku tattake Shaiɗan da hanzari. Alherin Ubangijinmu Yesu Almasihu yă tabbata a gare ku.

Romawa 16:20 ပူးပေါင်းရင်းမြစ်များ

Luka 10:19

Na ba ku iko da za ku tattaka macizai, da kunamai, ku kuma shawo kan dukan ikon abokin gāba, kuma ba wani lahani da zai same ku.

1 Yohanna 3:8

Duk mai aikata abin da yake zunubi shi na Iblis ne, domin Iblis mai aikata zunubi ne tun farko. Dalilin da ya sa Ɗan Allah ya bayyana kuwa shi ne don yă rushe aikin Iblis.

Farawa 3:15

Zan kuma sa ƙiyayya tsakaninka da macen, tsakanin zuriyarka da zuriyarta. Zai ragargaje kanka, kai kuma za ka sari ɗiɗɗigensa.”

Malaki 4:3

Sa’an nan za ku tattake mugaye; za su zama toka a ƙarƙashin tafin ƙafafunku a ranar da zan aikata waɗannan abubuwa, in ji Ubangiji Maɗaukaki.

Zakariya 10:5

Tare za su zama kamar mutane masu ƙarfi suna tattake lakar tituna a cikin yaƙi. Domin Ubangiji yana tare da su, za su yi faɗa su kuma yi nasara a kan masu yaƙi a kan dawakai.

W.Yah 12:10

Sa’an nan na ji babbar murya daga sama tana cewa, “Yanzu ceto da iko da mulkin Allahnmu, da kuma ikon Kiristinsa. Gama mai zargin ’yan’uwanmu, wanda yake zarginsu a gaban Allahnmu dare da rana, an jefar da shi ƙasa.

Romawa 15:33

Allah na salama yă kasance tare da ku duka. Amin.

W.Yah 22:21

Alherin Ubangiji Yesu yă kasance tare da mutanen Allah. Amin.

1 Tessalonikawa 5:28

Alherin Ubangijinmu Yesu Kiristi yă kasance tare da ku.

2 Tessalonikawa 3:18

Alherin Ubangijinmu Yesu Kiristi yă kasance tare da ku duka.

2 Korintiyawa 13:14

Alherin Ubangiji Yesu Kiristi, da ƙaunar Allah, da zumuntar Ruhu Mai Tsarki su kasance tare da ku duka.

Romawa 8:37

A’a, cikin dukan waɗannan abubuwa mun ma fi masu nasara ta wurin shi wanda ya ƙaunace mu.

Filemon 1:25

Alherin Ubangiji Yesu Kiristi yă kasance da ruhunku.

Filibbiyawa 4:23

Alherin Ubangiji Yesu Kiristi yă kasance da ruhunku. Amin.

Galatiyawa 6:18

’Yan’uwa! Alherin Ubangijinmu Yesu Kiristi yă kasance tare da ruhunku. Amin.

1 Korintiyawa 16:23

Alherin Ubangiji Yesu yă kasance tare da ku.

Ayuba 40:12

Ka dubi duk wani mai girman kai ka ƙasƙantar da shi, ka tattake mugaye a inda ka tsaya.

2 Timoti 4:22

Ubangiji yă zama tare da ruhunka. Alheri yă zama tare da ku.

Ishaya 63:3

“Na tattake ’ya’yan inabi ni kaɗai; cikin al’ummai kuma babu wani tare da ni. Na tattake su cikin fushina Na matse su cikin hasalata; jininsu ya fantsamar wa rigunana, na kuma ɓata dukan tufafina.

Romawa 16:23

Gayus, mai masauƙina, mai kuma saukar da dukan ’yan Ikkilisiya, yana gaishe ku. Erastus, mai bi da ayyukan jama’ar gari, da kuma ɗan’uwanmu Kwartus, suna gaishe ku.

Mattiyu 4:10

Sai Yesu ya ce masa, “Rabu da ni, Shaiɗan! Gama a rubuce yake, ‘Yi wa Ubangiji Allahnka sujada, shi kaɗai kuma za ka bauta wa.’”