Nehemiya 8:12 - Sabon Rai Don Kowa 2020

¹² Sa’an nan dukan mutane suka koma gidajensu suka ci, suka sha, suka aika wa wanda ba shi da abinci, gama yanzu sun fahimci kalmomin da aka karanta musu.

Littafi Mai Tsarki

¹² Sai jama'a duka suka koma gidajensu suka ci, suka sha, suka aika wa wanda ba shi da abinci. Suka yi murna ƙwarai domin sun fahimta dokokin da aka karanta musu.

Nehemiya 8:12 ပူးပေါင်းရင်းမြစ်များ

Zabura 119:174

Ina marmarin cetonka, ya Ubangiji, dokarka kuwa ita ce farin cikina.

Luka 24:32

Suka tambayi juna, “Ashe, shi ya sa zukatanmu suka kuna a cikinmu, sa’ad da yake magana da mu a hanya, yana bayyana mana Nassi.”

Zabura 119:171

Bari leɓunana su cika da yabonka, gama ka koya mini ƙa’idodinka.

Zabura 119:130

Fassarar maganganunka sukan ba da haske; sukan ba da ganewa ga marar ilimi.

Zabura 119:127

Saboda ina ƙaunar umarnanka fiye da zinariya, kai, fiye da zinariya zalla,

Zabura 119:111

Farillanka su ne gādona har abada; su ne farin cikin zuciyata.

Zabura 119:97

Kash, ga yadda nake ƙaunar dokarka! Ina tunani a kanta dukan yini.

Zabura 119:72

Doka daga bakinka ya fi mini daraja fiye da azurfa da zinariya guda dubu.

Zabura 119:16

Na yi murna a cikin ƙa’idodinka; ba zan ƙyale maganarka ba.

Zabura 119:14

Na yi farin ciki da bin farillanka yadda mutum yakan yi farin ciki da arziki mai yawa.

Ayuba 23:12

Ban fasa bin dokokin da ya bayar ba; na riƙe maganarsa da muhimmanci fiye da abincin yau da gobe.

Romawa 7:18

Gama na san cewa babu wani abin kirkin da yake zaune a cikina, wato, a mutuntakata. Gama sha’awar yin abu mai kyau kam ina da ita, sai dai ikon yin ne fa babu.

Irmiya 15:16

Sa’ad da maganganunka suka zo, na cinye su; suka zama abin farin ciki zuciyata kuma ta yi murna, gama ana kirana da sunanka, Ya Ubangiji Allah Maɗaukaki.

W.Yah 11:10

Mazaunan duniya za su ƙyaface su kuma yi biki ta wurin aika kyautai wa juna, domin waɗannan annabawan nan biyu ne suka azabtar da mazaunan duniya.

Nehemiya 8:10

Nehemiya ya ce, “Ku koma gidajenku ku ci abinci mai kyau, ku sha abin sha mai zaƙi, ku kuma aika wa wanda ba shi da shi. Wannan rana mai tsarki ce ga Ubangijinmu. Kada ku yi baƙin ciki, gama farin cikin Ubangiji shi ne ƙarfinku.”

Nehemiya 8:11

Lawiyawa suka rarrashi mutane duka suna cewa, “Ku natsu, gama wannan rana ce mai tsarki. Kada ku yi baƙin ciki.”

Nehemiya 8:13

A rana ta biyu ga wata, shugabannin iyalai, tare da firistoci da Lawiyawa, suka taru kewaye da Ezra malamin Doka don su mai da hankali ga kalmomin Dokar.

Esta 9:22

a matsayin lokacin da Yahudawa suka sami huta daga abokan gābansu, da kuma a matsayin watan da aka mai da baƙin cikinsu ya zama farin ciki, makokinsu kuma ya zama ranar biki. Ya rubuta musu su kiyaye ranakun a matsayin ranakun biki da na farin ciki. Su kuma ba da kyautai na abinci ga juna, da kuma kyautai ga matalauta.

1 Tarihi 29:22

Suka ci suka sha da farin ciki mai girma a gaban Ubangiji a wannan rana. Sa’an nan suka yarda da Solomon ɗan Dawuda a matsayin sarki sau na biyu, suka shafe shi a gaban Ubangiji don yă zama mai mulki, Zadok kuwa ya zama firist.