M.Sh 6:6 - Sabon Rai Don Kowa 2020

⁶ Waɗannan umarnai da nake ba ku a yau, za su kasance a zukatanku.

Littafi Mai Tsarki

⁶ Waɗannan kalmomi da na umarce ku da su a yau, za su zauna a zuciyarku.

M.Sh 6:6 ပူးပေါင်းရင်းမြစ်များ

Kolossiyawa 3:16

Ku bar maganar Kiristi ta zauna a cikinku a yalwace yayinda kuke koya, kuna kuma yi wa juna gargaɗi da dukan hikima, da kuma yayinda kuke waƙoƙin zabura, waƙoƙi da waƙoƙin ruhaniya tare da godiya a zukatanku ga Allah.

Irmiya 31:33

“Ga alkawarin da zan yi da gidan Isra’ila bayan wannan lokaci,” in ji Ubangiji. “Zan sa dokata a tunaninsu in kuma rubuta ta a zukatansu. Zan zama Allahnsu, za su kuma zama mutanena.

Karin Magana 7:3

Ka daure su a yatsotsinka; ka rubuta su a allon zuciyarka.

M.Sh 11:18

Saboda haka, sai ku riƙe waɗannan kalmomina gam a zukatanku da ranku; ku ɗaura su kamar alama a hannuwanku, da goshinku.

Zabura 37:31

Dokar Allahnsa tana a cikin zuciyarsa; ƙafafunsa ba sa santsi.

2 Korintiyawa 3:3

Kun nuna cewa ku wasiƙa ce daga Kiristi, sakamakon hidimarmu, ba wadda aka rubuta da inki ba, sai dai da Ruhun Allah mai rai. Ba kuma a kan allunan dutse ba, sai dai a kan allunan zukatan mutane.

M.Sh 32:46

ya ce musu, “Ku riƙe dukan kalmomin da na furta muku a yau, don ku umarce ’ya’yanku su lura, su yi biyayya da dukan kalmomin wannan doka.

Zabura 119:11

Na ɓoye maganarka a cikin zuciyata don kada in yi maka zunubi.

Ishaya 51:7

“Ku ji ni, ku da kuka san abin da yake daidai, ku mutanen da kuke da dokata a zukatanku. Kada ku ji tsoron ba’ar da mutane suke yi ko ku firgita saboda zargin da suke yi.

Luka 8:15

Amma irin da suka fāɗi a ƙasa mai kyau kuwa, su ne mutane masu kyakkyawar zuciya, mai kyau, da suka ji, suka riƙe, suka kuma jimre har suka ba da ’ya’ya.”

Karin Magana 3:5

Ka dogara ga Ubangiji da dukan zuciyarka kada kuma ka dangana ga ganewarka;

Luka 2:51

Sai ya koma Nazaret tare da su, yana yi musu biyayya. Mahaifiyarsa kuma ta riƙe dukan waɗannan abubuwa a zuciyarta.

Zabura 119:98

Umarnanka suna sa in zama mai hikima fiye da abokan gābana, gama kullum suna tare da ni.

Zabura 40:8

Ina sha’awar aikata nufinka, ya Allahna; dokar tana cikin zuciyata.”

2 Yohanna 1:2

Muna ƙaunarku saboda gaskiyan nan, wadda take cikinmu za tă kuma kasance tare da mu har abada.

Farawa 18:19

Saboda na zaɓe shi don yă umarci ’ya’yansa da iyalinsa a bayansa su kiyaye hanyoyin Ubangiji, ta wurin yin abin da yake daidai da kuma yin adalci, domin Ubangiji ya aikata abin da ya yi wa Ibrahim alkawari.”

2 Samaʼila 22:23

Dukan dokokinsa suna a gabana; ban ƙi ko ɗaya daga umarnansa ba.

M.Sh 11:20

Ku rubuta su a kan madogaran ƙofofin gidajenku, da a kan ƙofofinku,

Zabura 119:13

Da leɓunana na ba da labarin dukan dokokin da suka fito bakinka.

Zabura 119:30

Na zaɓi hanyar gaskiya; na sa zuciyata a kan dokokinka.