M.Sh 32:1 - Sabon Rai Don Kowa 2020

¹ Ku saurara, ya ku sammai, zan yi magana; bari duniya ta ji maganar bakina.

Littafi Mai Tsarki

¹ “Ku saurara, ya ku sammai, gama zan yi magana, Bari duniya ta ji maganar bakina.

M.Sh 32:1 ပူးပေါင်းရင်းမြစ်များ

Ishaya 1:2

Ku kasa kunne, ya sammai! Ki saurara, ya duniya! Gama Ubangiji ya yi magana, “Na yi renon ’ya’ya, na kuma raya su, amma sun tayar mini.

M.Sh 4:26

Yau, na kira sama da duniya, su zama shaidata a kanku. Idan kuka yi rashin biyayya, lalle za ku hallaka nan da nan daga ƙasar da kuke ƙetare Urdun ku gāda. Ba za ku daɗe a cikinta ba, amma za a kawar da ku ƙaƙaf.

Irmiya 22:29

Ya ke ƙasa, ƙasa, ƙasa, ki ji maganar Ubangiji!

Zabura 49:1

Ku ji wannan, dukanku mutane; ku saurara, dukanku waɗanda suke zama a wannan duniya,

Irmiya 6:19

Ki ji, ya duniya. Zan kawo masifa a kan waɗannan mutane, sakayyar ƙulle-ƙullensu, domin ba su saurari maganata ba suka kuma ƙi dokata.

Zabura 50:4

Ya kira sammai da suke bisa, da duniya, don yă shari’anta mutanensa.

M.Sh 31:28

Ku tattara dukan dattawan kabilanku, da kuma dukan hafsoshinku a gabana, saboda in faɗa waɗannan kalmomi a kunnuwansu, in kuma kira ga sama da ƙasa su zama shaida a kansu.

M.Sh 30:19

A wannan rana na kira bisa sama da ƙasa a matsayin shaidu a kanku, cewa na sa a gabanku rai da mutuwa, albarku da la’anoni. Yanzu sai ku zaɓi rai, saboda ku da ’ya’yanku ku rayu

Irmiya 2:12

Ku girgiza saboda wannan, ya sammai, ku kuma razana don tsoro mai girma,” in ji Ubangiji.

M.Sh 31:30

Sai Musa ya karanta kalmomin waƙar daga farko zuwa ƙarshe a kunnuwan dukan taron jama’ar Isra’ila.

Ishaya 34:1

Ku zo kusa, ku al’ummai, ku kuwa saurara ku kasa kunne, ku mutane! Bari duniya ta ji, da kuma dukan abin da yake cikinta, duniya, da dukan abin da yake fitowa daga gare ta!

M.Sh 31:19

“To, sai ka rubuta wannan waƙa domin kanka, ka koya wa Isra’ilawa, ka kuma sa su rera ta, don tă zama shaida a kansu.