Ishaya 19:11 - Sabon Rai Don Kowa 2020

¹¹ Shugabannin Zowan ba kome ba ne, wawaye ke kawai; mashawarta masu hikima na Fir’auna suna ba da shawarwari marasa amfani. Yaya za ka ce wa Fir’auna, “Ni ɗaya ne cikin masu hikima, almajirin sarakuna na dā can”?

Littafi Mai Tsarki

¹¹ Shugabannin birnin Zowan wawaye ne! Mutanen Masar mafi hikima za su ba da gurguwar shawara! Ta ƙaƙa za su iya dosar sarki su faɗa masa, cewa su ne suka gāji masana da sarakuna na dā can?

Ishaya 19:11 ပူးပေါင်းရင်းမြစ်များ

Ƙidaya 13:22

Suka kuma haura ta Negeb, suka iso Hebron, inda Ahiman, da Sheshai, da Talmai, zuriyar Anak, suke zama. (An gina Hebron da shekara bakwai kafin a gina Zowan a Masar.)

Ayyukan Manzanni 7:22

Musa ya sami ilimi cikin dukan hikimar Masarawa ya kuma zama mai iko cikin magana da ayyuka.

Ishaya 30:4

Ko da yake suna da shugabanni a Zowan kuma jakadunsu sun iso Hanes,

Zabura 78:43

ranar da ya nuna mu’ujizansa a Masar abubuwan banmamakinsa a yankin Zowan ba.

1 Sarakuna 4:30

Hikimar Solomon ta fi hikimar mutanen Gabas, ta kuma fi dukan hikimar Masar girma.

Zabura 78:12

Ya yi mu’ujizai a idanun kakanninsu a ƙasar Masar, a yankin Zowan.

Ezekiyel 30:14

Zan lalace Masar ta Bisa in ƙuna wuta wa Zowan in zartar da hukunci a kan Tebes.

Ezekiyel 7:26

Masifa a kan masifa za su zo, jita-jita kuma a kan jita-jita. Za su yi ƙoƙarin samun wahayi daga annabi; koyarwar doka ta wurin firist za tă ɓace, kamar yadda shawarar dattawa za tă ɓace.

Irmiya 49:7

Game da Edom. Ga abin da Ubangiji Maɗaukaki yana cewa, “Babu sauran hikima a Teman ne? Shawara ta ɓace daga masu basira ne? Hikimarsu ta ruɓe ne?

Irmiya 10:21

Makiyaya marasa azanci ne kuma ba sa neman nufin Ubangiji; saboda haka ba sa nasara dukan garkensu kuwa ya watse.

Irmiya 10:14

Kowa marar azanci ne, marar ilimi; kowane maƙerin zinariya zai sha kunya saboda gumakansa. Siffofinsa ƙarya ne; ba su da numfashi a cikinsu.

Ishaya 44:25

wanda ya sassāke alamun annabawan ƙarya ya masu duba suka zama wawaye, wanda ya tumɓuke koyon masu hikima ya mai da shi banza,

Ishaya 29:14

Saboda haka zan firgita waɗannan mutane sau ɗaya da abubuwan banmamaki a kan abubuwan banmamaki; hikimar masu hikima za tă lalace, azancin masu azanci zai ɓace.”

Ishaya 19:13

Shugabannin Zowan sun zama wawaye, an ruɗe shugabannin Memfis dutsen kan kusurwa na mutanenta su sa Masar ta kauce.

Ishaya 19:3

Masarawa za su karai, zan kuma sa shirye-shiryensu su zama banza; za su nemi shawarar gumaka da kuma ruhohin matattu, za su nemi shawarar mabiya da na masu duba.

Karin Magana 30:2

“Ni ne mafi jahilci a cikin mutane; ba ni da fahimi irin na mutum.

Zabura 92:6

Mutum marar azanci ba zai sani ba, wawa ba zai gane ba,

Zabura 73:22

na zama marar azanci da jahili; na zama kamar dabba a gabanka.

Zabura 33:10

Ubangiji yakan soke shirye-shiryen al’ummai; yakan wofintar da manufofin mutane.

Ayuba 12:17

Yakan sa mashawarta su zama marasa hikima yă kuma sa wawaye su zama masu shari’a.

Irmiya 8:9

Za a kunyatar da masu hikima; za su yi fargaba a kuma kama su. Da yake sun ƙi maganar Ubangiji, wace irin hikima kuka ce kuke da ita?

Irmiya 46:17

A can za su tā da murya su ce, ‘Fir’auna sarkin Masar mai yawan surutu ne kawai; ya bar zarafi ya wuce masa.’

Ezekiyel 28:17

Zuciyarka ta cika da alfarma saboda kyanka, ka kuma lalace hikimarka saboda darajarka. Saboda haka na jefar da kai zuwa ƙasa; na sa ka zama abin kallo a gaban sarakuna.

Obadiya 1:7

Dukan waɗanda kike tarayya da su, za su kore ki zuwa iyaka; abokanki kuma za su yaudare ki, su kuma sha ƙarfinki; waɗanda suke cin abincinki, za su sa miki tarko, amma ba za ki gane ba.

Fitowa 8:4

Kwaɗin nan za su yi ta tsalle a kanka, da kan mutanenka, da kuma kan dukan bayinka.’ ”

Fitowa 8:14

Aka jibga su tsibi-tsibi, ƙasar ta yi ɗoyi saboda su.

1 Sarakuna 5:10

A haka Hiram ya ci gaba da aika wa Solomon al’ul da kuma fir da yake bukata.

Obadiya 1:8

“A wannan rana,” in jin Ubangiji, “zan hallaka masu hikimar Edom, zan shafe mutane masu fahima a duwatsun Isuwa.