Irmiya 17:6 - Sabon Rai Don Kowa 2020

⁶ Zai zama kamar ɗan kurmi a ƙasar da take kango; ba za su ga arziki sa’ad da ya zo ba. Za su zauna a busassun wuraren hamada, a cikin ƙasar gishiri inda ba kowa.

Littafi Mai Tsarki

⁶ Gama yana kama da sagagi a hamada, Ba zai ga wani abu mai kyau yana zuwa ba. Zai zauna a busassun wuraren hamada, A ƙasar gishiri, inda ba kowa.

Irmiya 17:6 ပူးပေါင်းရင်းမြစ်များ

Ayuba 20:17

Ba zai ji daɗin koguna da rafuffuka masu kwarara da zuma da madara ba.

Zabura 1:4

Ba haka yake da mugaye ba! Su kamar yayi ne da iska take kwashewa.

M.Sh 29:23

Ƙasar gaba ɗaya za tă zama gishiri mai ƙuna marar amfani da kuma kibiritu, babu shuki, babu abin da yake tsirowa, babu itatuwan da suke girma a cikinta. Za tă zama kamar yadda aka hallaka Sodom da Gomorra, Adma da Zeboyim, waɗanda Ubangiji ya hallaka cikin zafin fushinsa.

Irmiya 48:6

Ku gudu! Ku gudu don tserar da ranku; ku zama kamar kurmi a hamada.

Ayuba 39:6

Na sa jeji yă zama gidansa ƙasar gishiri kuma ta zama wurin zamansa.

Zefaniya 2:9

Saboda haka, muddin ina raye,” in ji Ubangiji Maɗaukaki, Allah na Isra’ila, “tabbatacce Mowab za tă zama kamar Sodom, Ammonawa kuma kamar Gomorra, ƙasa mai ciyayi da rammukan gishiri, ƙasa marar amfani har abada. Raguwar mutanena za su washe su; waɗanda suka rage na al’ummata za su gāda ƙasarsu.”

Mahukunta 9:45

Dukan yinin, Abimelek ya matsa yaƙi da birnin sai da ya cinye ta ya kuma kashe mutanenta. Sa’an nan ya hallaka birnin ya barbaza gishiri a kanta.

Ezekiyel 47:11

Amma fadamun da tafkunan ba za su zama masu daɗi ba; za a bar su a gishirinsu.

Ishaya 1:30

Za ku zama kamar itacen oak mai busasshen ganyaye, kamar lambu marar ruwa.

Zabura 92:7

cewa ko da yake mugaye suna girma kamar ciyawa kuma dukan masu aikata mugunta suna haɓaka, za a hallaka su har abada.

2 Sarakuna 7:2

Sai wani hafsa mataimakin sarki ya ce wa mutumin Allah, “Kai, ko da Ubangiji zai buɗe tagogin sama, wannan abu ba zai yiwu ba!” Sai Elisha ya ce, “Za ka gani da idanunka, zai faru, amma ba za ka ci ba!”

Zabura 107:34

ƙasa mai amfani kuma suka zama gishiri marar amfani, saboda muguntar waɗanda suka zauna a can.

Irmiya 29:32

ga abin da Ubangiji yana cewa, tabbatacce zan hukunta Shemahiya mutumin Nehelam da zuriyarsa. Ba zai kasance da wani da ya rage a cikin wannan mutane ba, ba kuwa zai ga abubuwa alherin da zan yi wa mutanena ba, in ji Ubangiji, domin ya yi wa’azin tawaye a kaina.’ ”