Galatiyawa 5:10 - Sabon Rai Don Kowa 2020

¹⁰ Ina da tabbaci cikin Ubangiji cewa ba za ku bi wani ra’ayi dabam ba. Wannan da yake rikita ku za a hukunta shi, ko shi wane ne.

Littafi Mai Tsarki

¹⁰ Na dai amince da ku a cikin Ubangiji, ba za ku bi wani ra'ayi dabam da nawa ba. Wannan da yake ta da hankalinku kuwa zai sha hukunci, ko shi wane ne.

Galatiyawa 5:10 ပူးပေါင်းရင်းမြစ်များ

Galatiyawa 5:12

Da ma a ce masu tā da hankalinku ɗin nan su yanke gabansu gaba ɗaya mana!

Filibbiyawa 3:15

Dukanmu da muka balaga ya kamata mu yi wannan irin ganin abubuwa. In kuwa saboda wani dalili tunaninku ya yi dabam, Allah zai bayyana muku wannan ma.

Galatiyawa 1:7

wadda a gaskiya ba bishara ba ce ko kaɗan. Tabbatacce waɗansu mutane suna birkitar da ku, suna kuma ƙoƙari su karkatar da bisharar Kiristi.

2 Korintiyawa 2:3

Na rubuta yadda na yi ne saboda sa’ad da na iso kada waɗanda ya kamata su faranta mini rai, su sa ni baƙin ciki. Na amince da ku duka a kan farin cikina naku ne ku duka.

1 Timoti 1:20

Cikinsu kuwa akwai Himenayus da Alekzanda, waɗanda na miƙa ga Shaiɗan don su horo su bar yin saɓo.

Galatiyawa 6:17

A ƙarshe, kada kowa yă ƙara damuna, gama ina ɗauke da raunuka masu nuna ni bawan Ubangiji Yesu ne.

Galatiyawa 4:17

Waɗancan mutane suna neman su rinjaye ku da ƙwazo, amma ba da kyakkyawar aniya ba. Abin da suke so shi ne su raba ku da mu, saboda ƙwazonku yă koma gare su.

Galatiyawa 3:1

Ya ku Galatiyawa marasa azanci! Wa ya ruɗe ku? A idanunku aka bayyana Yesu Kiristi gicciyeyye a sarari.

Galatiyawa 2:6

Game da waɗanda aka ɗauka a dā a kan su wani abu ne, ko wane ne su, duk ɗaya ne a wurina; gama Allah ba ya nuna bambanci, ina dai gaya muku waɗannan da suke wani abu ne a dā, ba su ƙara mini kome ba.

Galatiyawa 2:4

Wannan zancen kaciya ya taso domin waɗansu ’yan’uwan ƙarya sun shiga cikinmu domin su yi leƙe a kan ’yancin da muke da shi a cikin Kiristi Yesu, su kuma mai da mu bayi.

2 Korintiyawa 10:6

A shirye muke mu hori kowane rashin biyayya, sa’ad da biyayyarku ta cika.

1 Korintiyawa 5:5

Ku miƙa irin wannan mutum ga Shaiɗan, don a hallaka halin nan na mutuntaka, ruhunsa kuma yă sami ceto a ranar da Ubangiji zai dawo.

Ayyukan Manzanni 15:24

Mun ji cewa, waɗansu da sun fita daga cikinmu ba tare da izininmu ba suka kuma dame ku, suna tā da hankalinku ta wurin abin da suka ce.

Filemon 1:21

Da tabbacin biyayyarka, ina rubuta maka, da sanin za ka yi fiye da abin da na ce.

2 Tessalonikawa 3:4

Muna da tabbaci cikin Ubangiji cewa kuna bin umarnai da muka yi muku, za ku kuma ci gaba da yin abubuwan da muka umarta.

Galatiyawa 4:20

Da ma a ce ina tare da ku yanzu in canja muryata mana! Gama na damu ƙwarai saboda ku!

Galatiyawa 4:11

Kai, kun ba ni tsoro, don ya zama kamar duk wahalar da na yi a kanku banza ne!

2 Korintiyawa 13:10

Shi ya sa nake rubuta waɗannan abubuwa, sa’ad da ba na nan tare da ku, domin sa’ad da na zo, kada yă zama mini tilas in yi muku tsanani a game da nuna ikon nan da Ubangiji ya ba ni saboda ingantawa, ba saboda rushewa ba.

2 Korintiyawa 10:2

Ina roƙonku cewa sa’ad da na zo kada ku tilasta ni in matsa muku, gama na tabbata zan iya tsaya wa waɗanda suka ce abin da muke yi sha’anin duniya ne.

2 Korintiyawa 8:22

Ban da wannan kuma, mun aiko da ɗan’uwanmu tare da su, wanda ya sha tabbatar mana da ƙwazonsa ta hanyoyi iri-iri, musamman yanzu, domin ya amince da ku da gaske.

2 Korintiyawa 7:16

Ina farin ciki ne don na amince da ku ƙwarai da gaske.

2 Korintiyawa 5:16

Saboda haka, daga yanzu zuwa nan gaba, ba mu ƙara ɗaukan wani mutum bisa ga ganin duniya ba. Ko da yake a dā, mun ɗauki Kiristi haka, amma yanzu mun daina yin haka.

2 Korintiyawa 2:6

Irin wannan mutum, horon da yawancin mutane suka yi masa ya isa haka.

2 Korintiyawa 1:15

Saboda na amince da haka, shi ya sa na so zuwa wurinku da fari, domin ku sami albarka riɓi biyu.

Galatiyawa 5:7

Kun yi tsere mai kyau a dā. Wa ya shige gabanku ya hana ku bin gaskiya?