Filibbiyawa 1:30 - Sabon Rai Don Kowa 2020

³⁰ da yake kuna shan faman da kuka gan na sha, kuna kuma jin cewa har yanzu ina sha.

Littafi Mai Tsarki

³⁰ kuna shan fama irin nawa wanda kuka gani, wanda kuke ji nake sha har yanzu.

Filibbiyawa 1:30 ပူးပေါင်းရင်းမြစ်များ

1 Tessalonikawa 2:2

Mun riga mun sha wahala, aka kuma zage mu a Filibbi, kamar yadda kuka sani, amma da taimakon Allahnmu muka yi ƙarfin hali muka sanar muku bishararsa duk da matsananciyar gāba.

2 Timoti 4:7

Na yi fama mai kyau, na gama tseren, na riƙe bangaskiya.

Ibraniyawa 12:4

Cikin famanku da zunubi, ba ku yi tsayayya har ga zub da jininku ba tukuna.

Yohanna 16:33

“Na faɗa muku waɗannan abubuwa ne, domin a cikina ku sami salama. A duniyan nan za ku sha wahala. Amma ku yi ƙarfin hali! Na yi nasara a kan duniya.”

W.Yah 12:11

Sun ci nasara a kansa ta wurin jinin Ɗan Ragon da ta wurin kalmar shaidarsu; ba su ƙaunaci rayukansu sosai har da za su ja da baya daga mutuwa.

1 Timoti 6:12

Ka yi fama, kyakkyawar fama ta bangaskiya. Ka riƙi rai madawwamin nan, wanda aka kira saboda shi, sa’ad da ka yi kyakkyawar shaida a gaban shaidu masu yawa.

Kolossiyawa 1:29

Don haka ne ina fama, ina kuma ƙoƙari da duk ƙarfin nan da Kiristi ya ba ni.

Filibbiyawa 1:13

Ta haka, ya zama sananne ga dukan masu gadin fada da kuma ga kowa cewa an daure ni da sarƙoƙi saboda Kiristi.

Kolossiyawa 2:1

Ina so ku san irin famar da nake yi saboda ku da kuma waɗanda suke a Lawodiseya, da kuma saboda dukan waɗanda ba su taɓa ganina ido da ido ba.

Ibraniyawa 12:1

Saboda haka, da yake muna kewaye da irin wannan taron shaidu mai girma, sai mu yar da duk abin da yake hana mu da kuma zunubin da yake saurin daure mu, mu kuma yi tseren da aka sa a gabanmu da nacewa.