Farawa 11:7 - Sabon Rai Don Kowa 2020

⁷ Zo, mu sauka, mu rikitar da harshensu don kada su fahimci juna.”

Littafi Mai Tsarki

⁷ Zo mu sauka, mu dagula harshensu, domin kada su fahimci maganar juna.”

Farawa 11:7 ပူးပေါင်းရင်းမြစ်များ

Zabura 33:10

Ubangiji yakan soke shirye-shiryen al’ummai; yakan wofintar da manufofin mutane.

Zabura 55:9

Ka rikitar da mugaye, ya Ubangiji, ka birkitar da maganarsu, gama na ga rikici da faɗa a cikin birni.

Farawa 1:26

Sa’an nan Allah ya ce, “Bari mu yi mutum cikin siffarmu, cikin kamanninmu, bari kuma su yi mulki a bisa kifin teku, tsuntsayen sama, da kuma dabbobi, su yi mulki a bisa dukan duniya, da kuma a bisa dukan halittu, da masu rarrafe a ƙasa.”

1 Korintiyawa 14:23

Saboda haka, in dukan ikkilisiya ta taru, kowa kuma yana magana da waɗansu harsuna, sai waɗansu jahilai ko waɗansu marasa bi suka shigo, ashe, ba za su ce kuna hauka ba?

Irmiya 5:15

Ya gidan Isra’ila,” in ji Ubangiji, “Ina kawo al’umma daga nesa a kanku al’umma ce ta tun dā mai ƙarfin hali, mutane ne da ba ku san harshensu ba, waɗanda ba za ku fahimci abin da suke faɗa ba.

Zabura 2:4

Mai zama a kursiyi a sama yana dariya; Ubangiji yana musu ba’a.

Ayuba 12:20

Yana sa amintattun mashawarta su yi shiru yakan kawar da hikimar dattawa.

M.Sh 28:49

Ubangiji zai kawo al’umma daga nesa, daga iyakar duniya, ta sauko a kanku kamar gaggafa, al’ummar da ba ku san yarenta ba,

Ishaya 6:8

Sa’an nan na ji muryar Ubangiji tana cewa, “Wa zan aika? Wa zai tafi mana?” Sai na ce, “Ga ni! Ka aike ni!”

Farawa 42:23

Ba su san cewa Yusuf yana jin su ba, da yake yana amfani da mai fassara ne.

Farawa 11:5

Sai Ubangiji ya sauko don yă ga birni da kuma hasumiyar da mutanen suke gini.

Farawa 10:20

Waɗannan su ne ’ya’yan Ham maza bisa ga zuriyarsu da yarurrukansu, cikin ƙasashensu da kuma al’ummominsu.

Farawa 3:22

Ubangiji Allah ya kuma ce, “To, fa, mutum ya zama kamar ɗaya daga cikinmu, ya san abin da yake mai kyau da abin da yake mugu. Kada a yarda yă miƙa hannunsa yă ɗiba daga itacen rai yă ci, yă kuma rayu har abada.”

Farawa 10:32

Waɗannan su ne zuriyar ’ya’yan Nuhu maza bisa ga jerin zuriyarsu cikin al’ummominsu. Daga waɗannan ne al’ummomi suka bazu ko’ina a duniya bayan ambaliya.

Farawa 10:5

(Daga waɗannan mutane ne masu zama a bakin teku suka bazu zuwa cikin ƙasashensu da kuma cikin al’ummansu, kowanne da yarensa.)

Fitowa 4:11

Ubangiji ya ce masa, “Wa ya ba mutum bakinsa? Wa yake maishe shi kurma ko bebe? Wa yake ba shi gani ko yă makanta shi? Ashe ba Ni Ubangiji ba ne?

Ishaya 33:19

Ba za ku ƙara ganin waɗannan mutane masu girman kai kuma ba, waɗannan mutane masu magana da harshen da ba ku fahimta ba.