Ayuba 6:4 - Sabon Rai Don Kowa 2020

⁴ Kibiyoyin Maɗaukaki suna a kaina, ruhuna yana shan dafinsa; fushin Allah ya sauka a kaina.

Littafi Mai Tsarki

⁴ Allah Maɗaukaki ya harbe ni da kibau, Dafinsu kuwa ya ratsa jikina. Allah ya jera mini abubuwa masu banrazana.

Ayuba 6:4 ပူးပေါင်းရင်းမြစ်များ

Zabura 38:2

Gama kibiyoyinka sun soke ni, hannunka kuma ya fāɗo a kaina.

Ayuba 30:15

Tsoro ya rufe ni; an kawar mini mutuncina kamar da iska, dukiyata ta watse kamar girgije.

Karin Magana 18:14

Sa rai da mutum ke yi kan taimake shi sa’ad da yake ciwo, amma in ya karai, to, tasa ta ƙare.

Zabura 143:7

Ka amsa mini da sauri, ya Ubangiji; ƙarfina ya ƙare. Kada ka ɓoye fuskarka daga gare ni in ba haka ba zan zama kamar waɗanda suka gangara zuwa rami.

Markus 15:34

A daidai sa’a ta tara na rana, sai Yesu ya ɗaga murya da ƙarfi ya ce, “Eloi, Eloi, lama sabaktani?” (Wato, “Ya Allahna, ya Allahna, don me ka yashe ni?”).

Ayuba 9:17

Zai sa hadari yă danne ni yă ƙara mini ciwona ba dalili.

2 Korintiyawa 5:11

To, da yake mun san ko mene tsoron Ubangiji yake, muna ƙoƙari mu rinjaye mutane. Yadda muke kuwa, yana sane a sarari ga Allah, ina kuma fata yana nan a sarari a lamirinku.

Zabura 45:5

Bari kibiyoyinka masu tsini su huda zukatan abokan gāban sarki; bari al’ummai su fāɗi ƙarƙashin ƙafafunka.

Zabura 21:12

gama za ka sa su juye bayansu sa’ad da ka auna su da bakan da ka ja.

Zabura 18:14

Ya harba kibiyoyinsa ya kuma watsar da abokan gāba, walƙiya mai girma ya fafare su.

Zabura 7:13

Ya shirya makamansa masu dafi; ya shirya kibiyoyinsa masu wuta.

Ayuba 31:23

Gama ina jin tsoron hallaka daga Allah, kuma domin tsoron ɗaukakarsa ba zan iya yin waɗannan abubuwa ba.

Ayuba 21:20

Bari idanunsa su ga yadda zai hallaka; bari yă sha daga fushin Maɗaukaki.

M.Sh 32:42

Zan sa kibiyoyina su bugu da jini, yayinda takobina yana cin nama, jinin kisassu da na kamammu, kawunan shugabannin abokan gāba.”

Rut 1:20

Ta ce musu, “Kada ku kira ni Na’omi. Ku kira ni Mara gama Maɗaukaki ya sa raina ya yi ɗaci sosai.

Ayuba 20:16

Zai sha dafin maciji; sarar maciji mai dafi za tă tashe shi.

Ayuba 34:6

Ko da yake ina da gaskiya, an ɗauke ni maƙaryaci; ko da yake ba ni da laifi, kibiyoyinsa sun ji mini ciwo wanda ba ya warkewa.’

Ishaya 28:19

A duk sa’ad da ya zo; ko da safiya, ko dare ko kuma da rana, zai yi ta ratsawa yana kwasanku.” Za ku zama kamar mutumin da ya zama abin karin magana,

Makoki 2:4

Kamar abokin gāba, ya ɗana bakansa; hannun damansa na shirye. Kamar maƙiyi, ya kashe duk wanda idonsa ya ji daɗin gani; ya zuba fushinsa kamar wuta a kan tenti na Diyar Sihiyona.

Ayuba 7:20

In na yi zunubi, me na yi maka, kai mai lura da mutane? Don me ka sa ni a gaba? Na zame maka kaya mai nauyi ne?

Ayuba 16:9

Allah ya kai mini hari ya yi kaca-kaca da ni cikin fushinsa yana cizon haƙoransa don fushin da yake yi da ni; ya zura mini ido.

Ayuba 19:12

Rundunarsa ta zo da ƙarfi; suka kafa sansani kewaye da ni, suka zagaye tentina.

Zabura 38:3

Saboda hasalarka babu lafiya a jikina; ƙasusuwana ba lafiya saboda zunubina.

Karin Magana 14:10

Kowace zuciya ta san ɓacin ranta, kuma babu wani dabam da zai yi rabon jin daɗinsa.

Makoki 3:3

ba shakka, ya juya mini baya, yana gāba da ni sau da sau, dukan yini.