Ayuba 40:8 - Sabon Rai Don Kowa 2020

⁸ “Ko za ka ƙi yarda da shari’ata? Za ka ba ni laifi don ka nuna kai marar laifi ne?

Littafi Mai Tsarki

⁸ Kai kanka za ka sa mini laifi? Za ka kā da ni don kai ka barata?

Ayuba 40:8 ပူးပေါင်းရင်းမြစ်များ

Romawa 3:4

Ko kaɗan! Bari Allah yă zama mai gaskiya, kowane mutum kuma yă zama maƙaryaci. Kamar yadda yake a rubuce cewa, “Gama a tabbatar kana da gaskiya, sa’ad da ka yi magana, ka kuma yi nasara sa’ad da ka yi shari’a.”

Ishaya 28:18

Za a soke alkawarinku da mutuwa; yarjejjeniyarku da kabari ba zai zaunu ba. Sa’ad da zafi mai ɓarna ya ratsa, zai hallaka ku.

Ayuba 32:2

Amma Elihu ɗan Barakel mutumin Buz na iyalin Ram, ya ji haushi da Ayuba don yă nuna shi ne mai gaskiya ba Allah ba.

Ayuba 10:3

Kana jin daɗin ba ni wahala, don me ka yashe ni, abin da ka halitta da hannunka, yayinda kake murmushi game da shirye-shiryen mugaye?

Ibraniyawa 7:18

Ta haka aka kawar da ƙa’ida marar ƙarfi da kuma marar amfani

Galatiyawa 3:17

Abin da nake nufi shi ne, Dokar da aka shigar ita bayan shekaru 430, ba tă kawar da alkawarin da Allah ya yi tun dā ba.

Galatiyawa 3:15

’Yan’uwa, bari in yi muku misali da rayuwarmu ta yau da kullum. Kamar dai yadda ba mai kawarwa ko yă ƙara wani abu cikin alkawarin da mutane suka kafa, haka yake a wannan batu.

Ishaya 14:27

Gama Ubangiji Maɗaukaki ya ƙudura ya yi wannan, wa kuwa zai hana shi? Ya riga ya miƙa hannunsa, wa zai komar da shi?

Zabura 51:4

Kai kaɗai na yi wa zunubi na yi abin da yake mugu a idonka, ta haka an tabbatar kai mai gaskiya sa’ad da ka yi magana aka kuma nuna kai mai adalci ne sa’ad da ka hukunta.

Ayuba 10:7

Ko da yake ka san ba ni da laifi, kuma ba wanda zai iya cetona daga hannunka.

Ayuba 13:18

Yanzu da na shirya ƙarata, na san za a ce ba ni da laifi.

Ayuba 16:11

Allah ya bashe ni ga mugayen mutane, ya jefa ni hannun mugaye.

Ayuba 19:6

sai ku san cewa Allah ya yi mini ba daidai ba ya kewaye ni da ragarsa.

Ayuba 34:17

Maƙiyin gaskiya zai iya yin mulki? Za ka iya ba mai gaskiya, Maɗaukaki laifi?

Ishaya 45:9

“Kaitonka mai gardama da Wanda ya yi ka, da wanda yake kasko a cikin kasko a ƙasa. Yumɓu ya iya ce wa magini, ‘Me kake yi?’ Aikinka na iya cewa, ‘Ba shi da hannuwa’?

Ayuba 32:1

Sai mutanen nan uku suka daina amsa wa Ayuba, domin a ganinsa shi mai adalci ne.

Ishaya 43:26

Ku tunashe ni abin da ya riga ya wuce, bari mu yi muhawwara wannan batu tare; ku kawo hujjarku na nuna rashin laifinku.