Ayuba 4:21 - Sabon Rai Don Kowa 2020

²¹ Ba a tuge igiyar tentinsu, don su mutu ba tare da hikima ba?’

Littafi Mai Tsarki

²¹ Duk abin da ya mallaka an ɗauke, Duk da haka ya mutu cikin rashin hikima.’ ”

Ayuba 4:21 ပူးပေါင်းရင်းမြစ်များ

Ayuba 36:12

Amma in ba su saurara ba, za su hallaka da takobi kuma za su mutu ba ilimi.

Ayuba 8:22

Maƙiyanka za su sha kunya, za a kawar da tentin mugaye.”

Yaƙub 1:11

Gama in rana ta fito ta yi zafi mai tsanani sai ta sa tsiro yă yanƙwane tsiro; furensa yă kakkaɓe, kyansa kuma yă lalace. Haka ma mai arziki zai shuɗe yayinda yake cikin harkarsa.

Luka 12:20

“Amma Allah ya ce masa, ‘Kai wawa! A wannan dare za a nemi ranka. Bayan haka, wa zai gāji abin da ka tara wa kanka?’

Ishaya 14:16

Waɗanda suka gan ka sun zura maka ido, suna tunani abin da zai same ka. “Wannan mutumin ne ya girgiza duniya ya kuma sa mulkoki suka razana,

Ishaya 2:22

Ku daina dogara ga mutum, wanda numfashi ne kawai yake da shi a hancinsa. Wace daraja gare shi?

Zabura 49:20

Mutumin da yake da arziki ba tare da ganewa ba shi kamar dabbobi ne da suke mutuwa.

Zabura 49:14

Kamar tumaki an ƙaddara su ga kabari; za su kuwa zama abincin mutuwa amma masu gaskiya za su yi mulki a kansu da safe. Kamanninsu za su ruɓe a cikin kabari, nesa da gidajensu masu tsada.

Zabura 39:11

Kakan tsawata ka kuma hore mutane saboda zunubinsu; kakan cinye wadatarsu kamar yadda asu ke yi, kowane mutum dai shaƙar iska ne. Sela

Zabura 39:5

Ka sa kwanakina suka zama tafin hannu ne kawai; yawan shekaruna kamar ba kome ba ne a gabanka. Duk ran mutum shaƙar iska ne kurum, har ma waɗanda suke tsammani suke da kāriya. Sela

Ayuba 18:21

Ba shakka haka wurin zaman mugun mutum yake, haka wurin zaman wanda bai san Allah ba yake.”

Karin Magana 5:23

Zai mutu saboda rashin ɗa’a yawan wawancinsa zai sa yă kauce.

Ayuba 32:9

Ba tsofaffi ne kaɗai suke da hikima ba, ba masu yawan shekaru ne suke gane abin da yake daidai ba.