Ayuba 37:19 - Sabon Rai Don Kowa 2020

¹⁹ “Gaya mana abin da ya kamata mu ce masa; ba za mu iya kawo ƙara ba domin duhunmu.

Littafi Mai Tsarki

¹⁹ Ka koya mana abin da za mu faɗa masa, Ba za mu iya gabatar da ƙararrakinmu ba, gama mu dolaye ne.

Ayuba 37:19 ပူးပေါင်းရင်းမြစ်များ

1 Yohanna 3:2

Abokaina ƙaunatattu, yanzu, mu ’ya’yan Allah ne, kuma abin da za mu zama nan gaba ba a riga an bayyana ba. Sai dai mun san cewa sa’ad da Kiristi ya bayyana, za mu zama kamar sa, domin za mu gan shi kamar yadda yake.

1 Korintiyawa 13:12

Yanzu kam muna ganin abubuwa kamar a madubi sai dai ba sosai ba, amma a ranan nan za mu gani fuska da fuska. Yanzu kam sanina ba cikakke ba ne, amma a ranan nan zan kasance da cikakken sani, kamar dai yadda Allah ya san ni a yanzu.

Zabura 139:6

Irin wannan sanin game da ni ya fi ƙarfin magana, ya fi ƙarfi in gane.

Zabura 73:22

na zama marar azanci da jahili; na zama kamar dabba a gabanka.

Ayuba 42:3

Ka yi tambaya, ‘Wane ne wannan da ya ƙi karɓar shawarata shi marar ilimi?’ Ba shakka na yi magana game da abubuwan da ban gane ba, abubuwan ban al’ajabi da sun fi ƙarfin ganewata.

Ayuba 38:2

“Wane ne wannan da yake ɓata mini shawarata da surutan wofi?

Ayuba 26:14

Waɗannan kaɗan ke nan daga cikin ayyukansa masu yawa. Kaɗan kawai muke ji game da shi! Wane ne kuwa yake iya gane tsawar ikonsa?”

Ayuba 13:6

Ku ji gardamata yanzu; ku ji roƙon da zai fito daga bakina.

Ayuba 13:3

Amma ina so in yi magana da Maɗaukaki, in kai kukana wurin Allah kai tsaye.

Ayuba 12:3

Amma ni ma ina da hankali kamar ku; ba ku fi ni ba. Wane ne bai san duk waɗannan abubuwan ba?

Romawa 8:26

Haka nan ma, Ruhu yana taimakonmu cikin rashin ƙarfinmu. Ba mu san abin da ya kamata mu roƙa cikin addu’a ba, amma Ruhu kansa yana roƙo a madadinmu da nishe-nishen da kalmomi ba sa iya bayyanawa.

Ayuba 9:14

“Ta yaya zan iya yin faɗa da shi? Ina zan iya samun kalmomin da zan yi gardama da shi?

Ayuba 37:20

Ko za a gaya masa cewa ina so in yi magana? Ko wani zai nemi a haɗiye shi?

Ayuba 40:4

“Ai, ni ba a bakin kome nake ba ne, ta yaya zan iya amsa maka? Na rufe bakina da hannuna.