Ayuba 36:27 - Sabon Rai Don Kowa 2020

²⁷ “Yana sa ruwa yă zama tururi yă zubo daga sama.

Littafi Mai Tsarki

²⁷ “Allah yakan sa ruwa ya zama tururi, Ya maishe shi ruwan sama,

Ayuba 36:27 ပူးပေါင်းရင်းမြစ်များ

Zabura 147:8

Ya rufe sararin sama da gizagizai; yana tanada wa duniya ruwan sama yana kuma sa ciyawa tă yi girma a kan tuddai.

Irmiya 14:22

Akwai wani daga cikin gumaka marasa amfani na al’ummai da ya kawo ruwan sama? Sararin sama kansu sukan yi yayyafi? A’a, kai ne, ya Ubangiji Allahnmu. Saboda haka sa zuciyarmu tana a kanka, gama kai ne kake yi wannan duka.

Ishaya 5:6

Zan mai da ita kango, ba zan aske ta ba, ba kuwa zan nome ta ba, sarƙaƙƙiya da ƙayayyuwa kuwa za su yi girma a can Zan umarci gizagizai kada su yi ruwan sama a kanta.”

Zabura 148:8

walƙiya da ƙanƙara, dusar ƙanƙara da gizagizai, hadirin iskar da suke biyayya da umarnansa,

Ayuba 38:34

“Za ka iya tsawata wa gizagizai ka kuma rufe kanka da ambaliyar ruwa?

Ayuba 36:33

Tsawarsa tana nuna cewa babbar iska da ruwa suna zuwa; ko shanu sun san da zuwansa.

Ayuba 5:9

Yana yin abubuwan al’ajabi waɗanda ba a ganewa, mu’ujizai waɗanda ba a ƙirgawa.

Ayuba 5:10

Yana zuba ruwan sama a ƙasa; yana zuba ruwa a gonaki.

Ayuba 36:26

Allah mai girma ne, ya wuce ganewarmu! Yawan shekarunsa ba su bincikuwa.

Ayuba 36:28

Gizagizai suna zubo da raɓarsu kuma ruwan sama yana zubowa ’yan adam a wadace.

Ayuba 37:6

Yakan ce wa dusar ƙanƙara, ‘Fāɗo a kan duniya,’ ya kuma ce wa ruwa, ‘Zubo da ƙarfi.’

Ayuba 37:11

Yana cika gizagizai da lema; yana baza walƙiyarsa ta cikinsu.

Irmiya 10:13

Sa’ad da ya yi tsawa, ruwaye a cikin sammai sukan yi ƙugi; yakan sa gizagizai su taso daga iyakokin duniya. Yakan aiki walƙiya da ruwan sama ya fitar da iska daga gidajen ajiyarsa.

Ayuba 28:26

Lokacin da ya yi wa ruwan sama doka da kuma hanya domin walƙiya,

Karin Magana 3:20

ta wurin sani aka rarraba zurfafa, gizagizai kuma suka zubo raɓa.

Zakariya 10:1

Ku roƙi Ubangiji yă ba ku ruwa a lokacin bazara; Ubangiji ne yake yin gizagizan hadari. Shi ne yake ba wa mutane yayyafin ruwan sama yana kuma ba da tsire-tsire na fili ga kowa.