Ayuba 22:9 - Sabon Rai Don Kowa 2020

⁹ Ka kori gwauraye hannu wofi, ka kuma karya ƙarfin marayu.

Littafi Mai Tsarki

⁹ Ba ƙin taimako kaɗai ka yi ba, Amma har marayu ma ka yi musu ƙwace, ka wulakanta su.

Ayuba 22:9 ပူးပေါင်းရင်းမြစ်များ

Ayuba 24:21

Suna cutar macen da ba ta da ɗa, suna nuna wa gwauruwa rashin alheri.

Ayuba 24:3

Suna ƙwace wa marayu jakunansu suna kuma ƙwace wa gwauruwa sa don suna binta bashi.

Ezekiyel 22:7

A cikinki sun rena mahaifi da mahaifiya; a cikinki sun zalunci baƙo suka wulaƙanta maraya da gwauruwa.

Ishaya 10:2

don su hana matalauta hakkinsu su kuma ƙi yin shari’ar gaskiya a kan waɗanda suke zaluntar mutanena, suna ƙwace wa gwauraye dukiyarsu suna kuma yi wa marayu ƙwace.

Ayuba 31:21

in na ɗaga hannuna don in cuci maraya, domin na san in na faɗa za a ji ni a wurin masu shari’a,

Malaki 3:5

“Ta haka zan zo kusa da ku don in yi hukunci. Zan hanzarta ba da shaida a kan masu yin sihiri, da mazinata da masu shaidar zur. Zan ba da shaida a kan waɗanda suke zaluntar ma’aikata a kan albashinsu, da waɗanda suke ƙwarar gwauraye da marayu, suna kuma hana baƙi samun adalci, ba sa ma tsorona,” in ji Ubangiji Maɗaukaki.

Ezekiyel 30:22

Saboda haka ga abin da Ubangiji Mai Iko Duka yana cewa ina gāba da Fir’auna sarkin Masar. Zan karye hannuwansa biyu, hannun da yake da kyau da kuma wanda an riga an karya, in kuma sa takobi ya fāɗi daga hannunsa.

Ishaya 1:23

Masu mulkinki ’yan tawaye ne, abokan ɓarayi; dukansu suna ƙaunar cin hanci suna bin kyautai. Ba sa taɓa tsare marayu a ɗakin shari’a; ba sa taimakon gwauruwa.

Ishaya 1:17

Ku koyi yin nagarta; ku nemi adalci. Ku ƙarfafa waɗanda aka zalunta. Ku ba wa marayu hakkinsu, ku taimaki gwauruwa.

Zabura 94:6

Suna kashe gwauraye da kuma baƙi; suna kisan marayu.

Zabura 37:17

gama za a kakkarya ikon mugaye, amma Ubangiji zai riƙe mai adalci.

Zabura 10:15

Ka karye hannun mugaye da kuma mugun mutum; ka nemi hakki daga gare shi saboda muguntar da ba za a gane ba.

M.Sh 27:19

“La’ananne ne mutumin da ya yi rashin adalci ga baƙo, maraya ko gwauruwa.” Sai dukan mutane su ce, “Amin!”

Ayuba 6:27

Kukan yi ƙuri’a a kan marayu ku kuma sayar da abokinku.

Irmiya 48:25

An karye ƙahon Mowab; an karye hannunta,” in ji Ubangiji.