Ayuba 15:23 - Sabon Rai Don Kowa 2020

²³ Yana ta yawo, abinci don ungulaye; ya san ranar duhu tana kusa.

Littafi Mai Tsarki

²³ Yana ta yawon neman abinci, yana ta cewa, ‘Ina yake?’ Ya sani baƙin ciki ne yake jiransa a nan gaba. Kamar sarki mai iko,

Ayuba 15:23 ပူးပေါင်းရင်းမြစ်များ

Zabura 109:10

Bari ’ya’yansa su zama masu yawo suna bara; bari a yi ta koransu daga gidajensu da suke kufai.

Zabura 59:15

Suna ta yawo neman abinci su kuwa yi haushi in ba su ƙoshi ba.

Ayuba 18:12

Masifa tana jiransa; bala’i yana shirye yă fāɗa masa a lokacin da zai fāɗi.

Ibraniyawa 10:27

A maimakon haka za su kasance da babban fargabar hukunci da kuma ta ƙunar wuta wadda za tă cinye abokan gāban Allah.

Zefaniya 1:15

Ranan nan za tă zama ranar fushi, rana ce ta baƙin ciki da azaba, rana ce ta tashin hankali da lalacewa, ranar duhu baƙi ƙirin, ranar gizagizai da baƙin duhu,

Amos 5:20

Ashe, ranar Ubangiji ba duhu ba ce, a maimakon haske, duhu wuluk, ba tare da ko ɗan haske ba.

Yowel 2:2

rana ce ta baƙin duhu ƙirin, ranar gizagizai ce baƙi ƙirin. Babbar rundunar mayaƙa mai ƙarfi tana zuwa kamar ketowar alfijir a kan duwatsu yadda ba a taɓa ganin irinta ba, ba kuwa za a ƙara ganin irinta ba har tsararraki masu zuwa.

Makoki 5:9

Muna samun burodi a bakin rayukanmu domin takobin da yake a jeji.

Makoki 5:6

Mun miƙa kanmu ga Masar da Assuriya don mu sami isashen abinci.

Mai Hadishi 11:8

Kome tsawon rayuwar mutum, bari yă more su duka. Amma bari kuma yă tuna da kwanakin duhu, gama su ma za su yi yawa. Duk abin da zai faru ba shi da amfani.

Ayuba 18:18

An tura shi daga cikin haske zuwa cikin duhu, an kore shi daga duniya.

Farawa 4:12

In ka nome ƙasa, ba za tă ƙara ba ka hatsinta ba. Za ka kuma zama mai yawo barkatai a duniya.”

Ayuba 15:22

Yana jin tsoron duhu domin za a kashe shi da takobi.

Ayuba 15:24

Ɓacin rai da baƙin ciki sun cika shi, kamar sarkin da yake shirin yaƙi,

Ayuba 15:30

Ba zai tsere wa duhu ba; wuta za tă ƙona rassansa, kuma numfashi daga bakin Allah zai hallaka shi.

Zabura 59:16

Amma zan rera game da ƙarfinka, da safe zan rera game da ƙaunarka; gama kai ne mafakata, kagarata a lokacin wahala.

Karin Magana 10:3

Ubangiji ba ya barin mai adalci da yunwa amma yakan lalace burin mugu.

Karin Magana 16:4

Ubangiji yana yin kome domin amfaninsa, har ma da mugaye domin ranar masifa.