Ayuba 12:17 - Sabon Rai Don Kowa 2020

¹⁷ Yakan sa mashawarta su zama marasa hikima yă kuma sa wawaye su zama masu shari’a.

Littafi Mai Tsarki

¹⁷ Yakan mai da hikimar masu mulki wauta, Yakan mai da shugabanni marasa tunani.

Ayuba 12:17 ပူးပေါင်းရင်းမြစ်များ

Ishaya 29:14

Saboda haka zan firgita waɗannan mutane sau ɗaya da abubuwan banmamaki a kan abubuwan banmamaki; hikimar masu hikima za tă lalace, azancin masu azanci zai ɓace.”

2 Samaʼila 17:23

Da Ahitofel ya ga ba a bi shawararsa ba, sai ya hau jakinsa ya koma gidansa a garinsu. Ya kintsa gidansa sa’an nan ya rataye kansa. Ta haka ya mutu, aka kuma binne shi a kabarin mahaifinsa.

Ayuba 9:24

Lokacin da ƙasa ta faɗa a hannun mugaye, yakan rufe idanun masu shari’a. In ba shi ba wa zai yi wannan?

Ayuba 3:14

tare da sarakuna da mashawarta a cikin ƙasa, waɗanda suka gina wa kansu wuraren da yanzu duk sun rushe,

2 Samaʼila 17:14

Absalom da dukan mutanen Isra’ila suka ce, “Shawarar Hushai mutumin Arkitawa ta fi ta Ahitofel kyau.” Gama Ubangiji ya ƙudura yă wofinta kyakkyawar shawarar Ahitofel, don yă jawo wa Absalom masifa.

2 Samaʼila 15:31

To, an gaya wa Dawuda cewa, “Ahitofel yana cikin waɗanda suka hadasa maƙarƙashiya tare da Absalom.” Saboda haka Dawuda ya yi addu’a ya ce, “Ya Ubangiji ka mai da shawarar Ahitofel ta zama shiririta.”

Ayuba 19:9

Ya cire darajar da nake da ita, ya kuma cire rawani daga kaina.

Daniyel 9:12

Ka cika kalmomin da ka yi a kanmu da kuma a kan masu mulkinmu ta wurin kawo mana babban bala’i. A duniya duka ba a taɓa yin wani abu kamar yadda aka yi wa Urushalima ba.