Ayuba 12:13 - Sabon Rai Don Kowa 2020

¹³ “Allah ne mai iko da kuma hikima, shawara da ganewa nasa ne.

Ayuba 12:13 ပူးပေါင်းရင်းမြစ်များ

Ayuba 36:5

“Allah mai iko ne, amma ba ya rena mutane; shi mai girma ne cikin manufarsa.

Ayuba 9:4

Hikimarsa tana da zurfi, ikonsa yana da yawa. Wane ne ya taɓa yin faɗa da shi har ya yi nasara?

Yaƙub 1:5

In waninku ya rasa hikima, ya kamata yă roƙi Allah, mai bayarwa hannu sake ga kowa ba tare da gori ba, za a kuwa ba shi.

Afisawa 1:11

A cikinsa ne kuma aka zaɓe mu mu sami gādo daga Allah, an kuwa ƙaddara mu ga haka bisa ga nufin wannan da yake zartar da dukan abubuwa yadda ya yi nufi yă yi.

Karin Magana 8:14

Shawara da yin tunani mai kyau nawa ne; ina da fahimi da kuma iko.

Kolossiyawa 2:3

a cikinsa ne aka ɓoye dukkan dukiya ta hikima da ta sani.

Daniyel 2:20

Ya ce, “Yabo ya tabbata ga sunan Allah har abada abadin; hikima da iko nasa ne.

Zabura 147:5

Shugabanmu mai girma ne mai iko duka; ganewarsa ba shi da iyaka.

Ayuba 11:6

yă kuma buɗe maka asirin hikima, gama hikima ta gaskiya tana da gefe biyu. Ka san wannan, Allah ya riga ya manta da waɗansu zunubanka.

Afisawa 1:8

wanda ya ba mu babu iyaka tare da dukan hikima da fahimta.

1 Korintiyawa 1:24

amma ga su waɗanda Allah ya kira, Yahudawa da Hellenawa, Kiristi ikon Allah ne, da kuma hikimar Allah.

Romawa 11:34

“Wa ya taɓa sanin zuciyar Ubangiji? Ko kuwa yă ba shi shawara?”

Luka 21:15

Gama zan ba ku kalmomi, da hikima waɗanda ba ko ɗaya daga cikin maƙiyanku, za su iya tsayayya da ku, ko su ƙaryata.

Irmiya 10:12

Amma Allah ya yi duniya ta wurin ikonsa; ya kafa duniya ta wurin hikimarsa ya shimfiɗa sammai ta wurin fahiminsa.

Ishaya 46:10

Nakan sanar da ƙarshe tun daga farko, daga fil azal, abin da yake zuwa nan gaba. Na ce nufina zai tabbata, kuma zan aikata dukan abin da na gan dama.

Ayuba 38:36

Wane ne yake cika zuciya da hikima ko kuma yake ba zuciya ganewa?

Ayuba 12:16

Shi ne mai ƙarfi da kuma mai nasara; mai ruɗi da wanda aka ruɗa, duk nasa ne.

Ayuba 26:12

Da ikonsa ya kwantar da teku; da hikimarsa ya hallaka dodon ruwan nan Rahab.

Ishaya 31:2

Shi ma yana da hikima kuma zai iya kawo masifa; ba ya janye kalmominsa. Zai yi gāba da gidan mugu, gāba da waɗanda suke taimakon masu aikata mugunta.