Ayuba 11:7 - Sabon Rai Don Kowa 2020

⁷ “Ko za ka iya gane al’amuran Allah? Ko za ka iya gane girman asirin Maɗaukaki?

Littafi Mai Tsarki

⁷ “Kana iya gane matuƙa da iyakar Girman Allah da na ikonsa?

Ayuba 11:7 ပူးပေါင်းရင်းမြစ်များ

Romawa 11:33

Kai, zurfin yalwar hikima da kuma sanin Allah yana nan a yalwace! Hukunce-hukuncensa kuma su fi gaban bincike, hanyoyinsa kuwa sun wuce gaban ganewa!

Mai Hadishi 3:11

Ya yi kowane abu da kyau a lokacinsa. Ya kuma sa matuƙa a zukatan mutane, duk da haka sun kāsa gane abin da Allah ya yi daga farko zuwa ƙarshe.

Zabura 145:3

Ubangiji da girma yake ya kuma cancanci yabo girmansa ya fi ƙarfin ganewar mutum.

Afisawa 3:8

Ko da yake ni ba kome ba ne a cikin dukan mutanen Ubangiji, aka ba ni wannan baiwa mai daraja don in faɗa wa Al’ummai cewa saboda Kiristi akwai albarkun da suka wuce gaban misali.

Ishaya 40:28

Ba ku sani ba? Ba ku ji ba? Ubangiji madawwamin Allah ne, Mahaliccin iyakokin duniya. Ba zai taɓa gaji ko yă kasala ba, kuma fahimtarsa ya wuce gaban ganewar mutum.

Zabura 77:19

Hanyarka ta bi ta cikin teku, hanyarka ta bi cikin manyan ruwaye, duk da haka ba a ga sawunka ba.

Ayuba 37:23

Maɗaukaki ya fi ƙarfin ganewarmu, shi babban mai iko ne, mai gaskiya da babban adalci, ba ya cutar mutum.

Ayuba 5:9

Yana yin abubuwan al’ajabi waɗanda ba a ganewa, mu’ujizai waɗanda ba a ƙirgawa.

1 Korintiyawa 2:16

“Wa ya taɓa sanin hankalin Ubangiji, har da zai koya masa?” Amma muna da tunani iri na Kiristi ne.

1 Korintiyawa 2:10

Amma Allah ya bayyana mana shi ta wurin Ruhunsa. Ruhu yana bincika dukan abubuwa, har ma da abubuwa masu zurfi na Allah.

Mattiyu 11:27

“Dukan kome Ubana ya danƙa mini. Ba wanda ya san Ɗan sai dai Uban, ba kuma wanda ya san Uban, sai dai Ɗan da kuma waɗanda Ɗan ya so yă bayyana musu shi.

Ayuba 26:14

Waɗannan kaɗan ke nan daga cikin ayyukansa masu yawa. Kaɗan kawai muke ji game da shi! Wane ne kuwa yake iya gane tsawar ikonsa?”

Ayuba 22:12

“Ba Allah ne a can sama ba? Dubi yadda taurarin sama suke can nesa a sama!

Ayuba 33:12

“Amma na gaya maka, a nan ba ka yi daidai ba, gama Allah ya fi mutum girma.

Ayuba 33:13

Don me ka yi masa gunaguni cewa ba ya amsa tambayoyin mutum?

Ayuba 36:26

Allah mai girma ne, ya wuce ganewarmu! Yawan shekarunsa ba su bincikuwa.

Ayuba 37:5

Muryar Allah tana tsawatawa a hanyoyi masu ban al’ajabi; yana yin manyan abubuwa waɗanda sun wuce ganewarmu.

Mai Hadishi 7:24

Ko da me hikima take, Abin ya yi mana zurfi ƙwarai, yana da wuyar ganewa, wa zai iya gane shi?

Ayuba 27:11

“Zan koya muku game da ikon Allah; ba zan ɓoye hanyoyin Maɗaukaki ba.

Ayuba 35:5

Ku ɗaga kai ku dubi sama ku gani; ku dubi gizagizai a samanku.

Ayuba 42:3

Ka yi tambaya, ‘Wane ne wannan da ya ƙi karɓar shawarata shi marar ilimi?’ Ba shakka na yi magana game da abubuwan da ban gane ba, abubuwan ban al’ajabi da sun fi ƙarfin ganewata.

Zabura 139:6

Irin wannan sanin game da ni ya fi ƙarfin magana, ya fi ƙarfi in gane.

Karin Magana 30:4

Wane ne ya taɓa haura zuwa sama ya dawo? Wane ne ya tattara iska a tafin hannuwansa? Wane ne ya nannaɗe ruwaye a cikin rigarsa? Wane ne ya kafa dukan iyakokin duniya? Mene ne sunansa, da kuma sunan ɗansa? Faɗa mini in ka sani!