Amos 5:13 - Sabon Rai Don Kowa 2020

¹³ Saboda haka mai hankali yakan yi shiru a lokuta kamar haka, gama lokutan mugaye ne.

Littafi Mai Tsarki

¹³ Ashe, ba abin mamaki ba ne, Da masu hankali suka kame bakinsu A waɗannan kwanaki na mugunta.

Amos 5:13 ပူးပေါင်းရင်းမြစ်များ

2 Timoti 3:1

Amma fa ka san wannan, za a yi lokutan shan wahala a kwanakin ƙarshe.

Mika 2:3

Saboda haka, Ubangiji ya ce, “Ina shirya wa waɗannan mutane bala’i, yadda ba za ku iya ceton kanku ba. Ba za ku ƙara tafiya kuna taƙama ba, gama zai zama lokacin bala’i ne.

Hosiya 4:4

“Amma kada wani mutum yă kawo tuhuma, kada wani mutum yă zargi wani, gama mutanenka suna kama da waɗanda suke kawo tuhume-tuhume a kan firist ne.

Mai Hadishi 3:7

Lokacin yagewa da lokacin ɗinkewa, lokacin yin shiru da lokacin magana.

Afisawa 6:13

Saboda haka sai ku yafa dukan kayan yaƙi na Allah, domin sa’ad da ranar mugun nan ta zo, ku iya yin tsayin daka, bayan kuma kuka gama kome, ku dāge.

Habakkuk 3:16

Na ji sai zuciyata ta buga, leɓunana sun yi rawa da jin murya; ƙasusuwana suka ruɓe, ƙafafuna kuma sun yi rawa. Duk da haka zan jira da haƙuri ga ranar bala’i ta zo a kan al’umman nan mai kawo mana hari.

Amos 6:10

In kuma wani dangi ya shiga don yă fitar da gawawwakin yă ƙone ya kuwa tambayi wani wanda yake ɓoye a can, yana cewa, “Akwai wani tare da kai?” Ya kuwa ce, “Babu,” sai yă ce, “Kul! Kada mu ambaci sunan Ubangiji.”

Ishaya 37:3

Suka faɗa masa cewa, “Ga abin da Hezekiya ya ce wannan rana ce ta baƙin ciki da tsawatawa da shan kunya, sai ka ce sa’ad da ’ya’ya kan zo matakin haihuwa sa’an nan a rasa ƙarfin haihuwarsu.

Ishaya 36:21

Amma mutanen suka yi shiru ba su kuwa ce kome ba, gama sarki ya yi umarni cewa, “Kada ku amsa masa.”

Mai Hadishi 9:12

Ban da haka ma, ba wanda ya san sa’ad da lokacin mutuwarsa zai yi. Kamar yadda akan kama kifi a muguwar raga, ko a kama tsuntsu a tarko, haka mugun lokaci yakan auko wa mutane, ba tsammani.

2 Sarakuna 18:36

Amma mutane suka yi shiru ba su amsa masa ba, domin sarki ya umarta cewa, “Kada ku amsa masa.”

Ayuba 32:16

Dole ne in jira yanzu da suka yi shiru, yanzu da suke tsaye a wurin ba su da amsa.

Zabura 38:14

Na zama kamar mutumin da ba ya ji, wanda bakinsa ba ya iya ba da amsa.