2 Timoti 1:4 - Sabon Rai Don Kowa 2020

⁴ Sa’ad da na tuna da hawayenka, nakan yi marmarin ganinka, don in cika da farin ciki.

Littafi Mai Tsarki

⁴ Sa'ad da nake tunawa da hawayenka, nakan yi began ganinka dare da rana, domin in yi farin ciki matuƙa.

2 Timoti 1:4 ပူးပေါင်းရင်းမြစ်များ

2 Timoti 4:9

Ka yi iyakacin ƙoƙarinka ka zo wurina da sauri,

2 Timoti 4:21

Ka yi iyakacin ƙoƙarinka ka iso nan kafin damina. Yubulus yana gaishe ka, haka ma Fuden, Lainus, Kalaudiya da kuma dukan ’yan’uwa.

1 Tessalonikawa 2:17

Amma, ’yan’uwa, sa’ad da aka raba mu da ku na ɗan lokaci (a jiki, ba a tunani ba), daga cikin marmarinmu mai tsanani mun yi duk abin da muke iya yi mu gan ku.

Filibbiyawa 1:8

Allah shi ne shaidata, ya san yadda nake ƙaunarku duka da ƙaunar Kiristi Yesu.

W.Yah 21:4

Zai share dukan hawaye daga idanunsu. Ba sauran mutuwa ko makoki ko kuka ko azaba, gama tsofaffin al’amura sun shuɗe.”

W.Yah 7:17

Gama Ɗan Ragon da yake a tsakiyar kursiyin zai zama makiyayinsu; ‘zai bi da su zuwa ga maɓulɓular ruwan rai.’ ‘Allah kuwa zai share dukan hawaye daga idanunsu.’ ”

1 Yohanna 1:4

Muna rubuta wannan domin farin cikinmu yă zama cikakke.

Filibbiyawa 2:26

Gama yana marmarin ganinku duka ya kuma damu domin kun ji cewa ya yi rashin lafiya.

Romawa 1:11

Ina marmarin ganinku don in ba ku wata baiwar ruhaniya, don ku yi ƙarfi

Ayyukan Manzanni 20:31

Saboda haka ku zauna a faɗake! Ku tuna cewa shekara uku, dare da rana ban taɓa fasa yin wa kowannenku gargaɗi ba, har da hawaye.

Ayyukan Manzanni 20:19

Na bauta wa Ubangiji da matuƙar tawali’u har da hawaye, da gwagwarmaya iri-irin da na sha game da makircin Yahudawa.

Yohanna 16:24

Har yanzu dai ba ku roƙi kome cikin sunana ba. Ku roƙa za ku kuwa samu, farin cikinku kuwa zai zama cikakke.

Yohanna 16:22

Haka ku ma, yanzu ne lokacin baƙin cikinku, amma zan sāke ganinku za ku kuma yi farin ciki, ba kuwa wanda zai ɗauke muku farin cikinku.

Irmiya 31:13

’Yan mata za su yi rawa su kuma yi murna, haka ma samari da tsofaffi. Zan mai da makokinsu farin ciki; zan ta’azantar da su in kuma sa su yi farin ciki a maimakon baƙin ciki.

Ishaya 61:3

in tanada wa waɗanda suke baƙin ciki a Sihiyona, in maido musu rawani mai kyau a maimako na toka, man murna a maimako na makoki, da kuma rigar yabo a maimako na ruhun fid da zuciya. Za a ce da su itatuwan oak na adalci, shukin Ubangiji don bayyana darajarsa.

Zabura 126:5

Waɗanda suka yi shuka da hawaye za su yi girbi da waƙoƙin farin ciki.