1 Korintiyawa 13:6 - Sabon Rai Don Kowa 2020

⁶ Ƙauna ba ta jin daɗin mugunta, sai dai ta ji daɗin gaskiya.

Littafi Mai Tsarki

⁶ Ƙauna ba ta sa yin farin ciki da mugunta, sai dai da gaskiya.

1 Korintiyawa 13:6 ပူးပေါင်းရင်းမြစ်များ

Romawa 12:9

Dole ƙauna tă zama ta gaskiya. Ku ƙi duk abin da yake mugu; ku manne wa abin da yake nagari.

2 Yohanna 1:4

Na yi farin ciki ƙwarai, da na sami waɗansu ’ya’yanki suna tafiya cikin gaskiya, kamar yadda Uba ya umarce mu.

Romawa 1:32

Ko da yake sun san dokar adalcin Allah cewa masu aikata irin waɗannan abubuwa sun cancanci mutuwa, duk da haka ba cin gaba da aikata waɗannan abubuwa kaɗai suke yi ba, har ma suna goyon bayan masu yinsu.

2 Tessalonikawa 2:12

don kuma a hukunta dukan waɗanda ba su gaskata gaskiyar ba sai dai suke jin daɗin mugunta.

Hosiya 4:8

Suna ciyar da kansu a kan zunuban mutanena suna kuma haɗamar muguntarsu.

Karin Magana 14:9

Wawaye kan yi ba’a a gyaran zunubi, amma fatan alheri yana samuwa a cikin masu aikata gaskiya.

Mika 7:8

Kada ku yi farin ciki, ku maƙiyana! Ko da yake na fāɗi, zan tashi. Ko da yake na zauna a cikin duhu, Ubangiji zai zama haskena.

Irmiya 13:17

Amma in ba ku saurara ba, zan yi kuka a ɓoye saboda girmankanku; idanuna za su yi kuka mai zafi, suna zub da hawaye ƙwarai, domin zan kwashe garken Ubangiji zuwa zaman bauta.

Filibbiyawa 3:18

Gama kamar yadda na sha gaya muku yanzu kuma ina sāke gaya muku har ma da hawaye, waɗansu da yawa suna rayuwa kamar abokan gāban gicciyen Kiristi.

Filibbiyawa 1:18

Me kuma? Ta ko yaya dai, ko da gangan, ko da gaske, ana shelar Kiristi. Domin wannan kuwa ina farin ciki. I, zan kuwa ci gaba da farin ciki,

Filibbiyawa 1:4

A cikin dukan addu’o’ina dominku duka, nakan yi addu’a da farin ciki kullum

Luka 22:5

Suka kuwa yi murna, suka yarda su ba shi kuɗi.

Irmiya 20:10

Na ji mutane da yawa suna raɗa cewa, “Razana ta kowace fuska! Mu kai kararsa! Bari mu kai kararsa!” Dukan abokaina suna jira in yi tuntuɓe, suna cewa, “Mai yiwuwa a ruɗe shi; sai mu yi nasara a kansa mu ɗau fansa a kansa.”

Irmiya 9:1

Da ma kaina maɓulɓulan ruwa ne idanuna kuma maɓulɓulan hawaye! Da sai in yi kuka dare da rana saboda mutanena da aka kashe.

Zabura 119:136

Hawaye suna malalowa daga idanuna kamar rafi, gama ba a biyayya da dokarka.

Zabura 10:3

Yakan yi taƙama da ƙulle-ƙullen zuciyarsa; yana albarkaci mai haɗama yana kuma ƙin Ubangiji.

Fitowa 18:9

Yetro ya yi murna da jin duk abubuwa masu kyau da Ubangiji ya yi wa Isra’ila, wajen cetonsu daga hannun Masarawa.

Hosiya 7:3

“Suna faranta wa sarki zuciya da muguntarsu, shugabanni kuma da ƙarairayinsu.

Mattiyu 18:13

In kuwa ya same ta, ina gaya muku gaskiya, zai yi murna saboda ɗayan fiye da tasa’in da taran da ba su ɓace ba.