1 Korintiyawa 13:12 - Sabon Rai Don Kowa 2020

¹² Yanzu kam muna ganin abubuwa kamar a madubi sai dai ba sosai ba, amma a ranan nan za mu gani fuska da fuska. Yanzu kam sanina ba cikakke ba ne, amma a ranan nan zan kasance da cikakken sani, kamar dai yadda Allah ya san ni a yanzu.

Littafi Mai Tsarki

¹² Gama yanzu kamar a madubi muke gani duhu duhu, a ranar nan kuwa za mu gani ido da ido. A yanzu sanina sama sama ne, a ranar nan kuwa zan fahimta sosai, kamar yadda aka fahimce ni sosai.

1 Korintiyawa 13:12 ပူးပေါင်းရင်းမြစ်များ

1 Yohanna 3:2

Abokaina ƙaunatattu, yanzu, mu ’ya’yan Allah ne, kuma abin da za mu zama nan gaba ba a riga an bayyana ba. Sai dai mun san cewa sa’ad da Kiristi ya bayyana, za mu zama kamar sa, domin za mu gan shi kamar yadda yake.

2 Korintiyawa 3:18

Mu da ba mu da lulluɓi a fuskokinmu duk muna nuna ɗaukakar Ubangiji, ana sauya mu mu ɗauki kamanninsa cikin ɗaukaka mai hauhawa. Ubangiji wanda yake ruhu kuwa shi ne mai zartar da haka.

Filibbiyawa 3:12

Ba cewa na riga na sami dukan wannan ba ne, ko kuma an riga an mai da ni cikakke ba, sai dai ina nacewa don in kai ga samun abin da Kiristi Yesu ya riƙe ni saboda shi.

W.Yah 22:4

Za su ga fuskarsa, sunansa kuma zai kasance a goshinsu.

Yaƙub 1:23

Duk wanda yake ji magana ne kawai, bai kuwa aikata abin da ta ce ba, yana kama da mutumin da ya kalli fuskarsa a madubi

2 Korintiyawa 5:7

Rayuwa bangaskiya muke, ba ta ganin ido ba.

Mattiyu 5:8

Masu albarka ne waɗanda suke masu tsabtar zuciya, gama za su ga Allah.

1 Korintiyawa 8:3

Amma mutumin da yake ƙaunar Allah, Allah yana sane da shi.

Romawa 8:18

A ganina, wuyar da muke sha a wannan lokaci ba su isa a kwatanta da ɗaukakar da za a bayyana a cikinmu ba.

Ƙidaya 12:8

Da shi nake magana fuska da fuska, a fili kuma, ba a kacici-kacici ba; yakan ga siffar Ubangiji. To, me ya sa ba ku ji tsoro ku yi magana a kan bawana Musa ba?”

Farawa 32:30

Saboda haka Yaƙub ya kira wurin Feniyel, yana cewa, “Domin na ga Allah fuska da fuska, duk da haka aka bar ni da rai.”

Mattiyu 18:10

“Ku lura, kada ku rena ɗaya daga cikin waɗannan ƙanana. Gama ina faɗa muku mala’ikunsu a sama kullum suna duban fuskar Ubana da yake cikin sama.

Yohanna 10:15

kamar yadda Uba ya san ni, ni kuma na san Uba, ina kuwa ba da raina domin tumakin.

Fitowa 33:11

Ubangiji yakan yi magana da Musa fuska da fuska, kamar yadda mutum yake magana da abokinsa. Sa’an nan Musa yă koma sansani, amma saurayin nan Yoshuwa ɗan Nun mai taimakonsa ba ya barin tentin.

Ezekiyel 17:2

“Ɗan mutum, ka shirya kacici-kacici ka faɗa wa gidan Isra’ila misali.

Ayuba 19:26

Kuma bayan an hallaka fatata, duk da haka a cikin jiki zan ga Allah.

Ayuba 36:26

Allah mai girma ne, ya wuce ganewarmu! Yawan shekarunsa ba su bincikuwa.

1 Korintiyawa 13:11

Sa’ad da nake yaro, na yi magana kamar yaro, na yi tunani kamar yaro, na yanke shawara kamar yaro. Da na isa mutum kuwa, sai na bar halin yarantakata.