1 Bitrus 3:10 - Sabon Rai Don Kowa 2020

¹⁰ Gama, “Duk wanda yake so yă ji daɗin rayuwa, yă kuma ga kwanaki masu kyau dole yă ƙame harshensa daga mugunta leɓunansa kuma daga maganar yaudara.

Littafi Mai Tsarki

¹⁰ Domin, “Duk mai so ya more wa zamansa na duniya da alheri, Sai ya kame bakinsa daga ɓarna, Ya kuma hana shi maganar yaudara.

1 Bitrus 3:10 ပူးပေါင်းရင်းမြစ်များ

Yaƙub 1:26

In wani ya ɗauki kansa mai addini ne duk da haka bai ƙame harshensa ba, ruɗin kansa yake yi addininsa kuwa banza ne.

1 Bitrus 2:22

“Bai taɓa yin laifi ba sam, ba a kuma sami ƙarya a bakinsa ba.”

1 Bitrus 2:1

Saboda haka, ku rabu da kowace ƙeta da dukan ruɗu, munafunci, kishi, da kuma kowace irin ɓata suna.

W.Yah 14:5

Ba a sami ƙarya a bakunansu ba; su kuma marasa aibi ne.

Yohanna 1:47

Da Yesu ya ga Natanayel yana zuwa, sai ya yi magana game da shi cewa, “Ga mutumin Isra’ila na gaske wanda ba shi da ha’inci.”

Yohanna 12:25

Duk mai ƙaunar ransa, zai rasa shi, duk mai ƙin ransa a wannan duniya, zai kiyaye shi har yă zuwa rai madawwami.

Karin Magana 8:35

Gama duk wanda ya same ni ya sami rai zai kuma sami tagomashi daga Ubangiji.

Karin Magana 3:2

gama za su ƙara maka tsawon rai da shekaru masu yawa su kuma kawo maka wadata.

Mattiyu 19:17

Yesu ya amsa ya ce, “Don me kake tambayata game da abin da yake mai kyau? Akwai Mai kyau Ɗaya kaɗai. In kana so ka sami rai madawwami, ka kiyaye dokokin nan.”

Karin Magana 4:22

gama rai ne ga waɗanda suke nemansu da kuma lafiya ga dukan jikin mutum.

Karin Magana 3:18

Ita itacen rai ne ga waɗanda suka rungume ta; waɗanda suke riƙe da ta za su zama masu albarka.

Markus 8:35

Domin duk mai son ceton ransa zai rasa shi, amma duk wanda ya rasa ransa saboda ni, da kuma bishara, zai same shi.

Zabura 49:19

zai gamu da tsarar kakanninsa, waɗanda ba za su taɓa ganin hasken rayuwa ba.

Zabura 27:13

Har yanzu ina da ƙarfin gwiwa a wannan cewa zan ga alherin Ubangiji; a ƙasar masu rai.

Ayuba 33:28

Ya fanshi raina daga fāɗawa cikin rami, kuma zan rayu in ji daɗin hasken.’

Ayuba 9:25

“Kwanakina sun fi mai gudu wucewa da sauri; suna firiya babu wani abin jin daɗi a cikinsu.

M.Sh 32:47

Ba kalmomi kurum ba ne dominku, amma har ranku ma. Ta wurinsu za ku yi tsawon rai a ƙasar da kuke haye Urdun ku ci gādonta.”

Mai Hadishi 2:3

Na yi ƙoƙari in sa raina yă yi farin ciki da ruwan inabi, in kuma rungumi wauta, hankalina kuma yana yin mini jagora da hikima. Na so in ga abin da yake da daraja ga mutane a duniya a ’yan kwanakinsu.

Zabura 106:5

don in ji daɗin nasarar zaɓaɓɓunka, don in sami rabo cikin farin cikin al’ummarka in kuma shiga gādonka cikin yin yabo.

Ayuba 2:4

Shaiɗan ya amsa ya ce, “Fata don fata! Mutum zai iya rabuwa da duk abin da yake da shi domin ransa.