तीतुस 3:3 - Sirmouri

³ किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

सिरमौरी नौवाँ नियम

³ जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

तीतुस 3:3 ပူးပေါင်းရင်းမြစ်များ

मत्ती 21:29

तेने आप्णें बाबा खे जबाब दिता, ‘हाँव ने हुट्दा’, परह् बिस्तोड़ा से पछ़ताऐयों अरह् दाख्ह के खेच़ौ दा आगु हुटा।

लूका 21:8

प्रभू यीशू ऐ तिनखे जबाब दिता, “च़ौक्क्ष रूऐ, के तुँऐं कोसी के बंकावे दे ने आँओ; बैजाऐ लोग मेरे नाँव शे आले, अरह् बुल़्लै, के ‘हाँव ही मसीया असो’ अरह् ‘सेजा बख्त्त आऐ गुवा’ परह् तुऐं तिनू पाछी ने ज़ाऐ।

यूहन्ना 8:34

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू: के जुण्जा कुँऐ आदमी पाप करदा ही रंह्, से पाप का दास गुलाँम हों।

रोमियों 11:30

किन्देंखे के जेष्णें तुँऐं आगे पंणमिश्वर की अज्ञाँ ने माँनी, परह् ऐबे तिनकी अज्ञाँ ना मानणों शे तुँओं गाशी दया-रंय्म कृपा हऐ;

रोमियों 6:12

ईन्देंखे पाप तुँआरे नाँष बाँन देह्-शरीर गाशी राज ने करह्, जू तुँऐं पाप की हिछ़या के बंष दे कद्दी ने चालो;

रोमियों 6:17

परह् पंणमिश्वर का धन्यबाद हों, के तुँऐं जू पाप के दास थिऐ, तबे भे ऐबे मंन शे तियों शिक्क्षा के माँन्णों वाल़े हऐ गुऐ, जुण्जी सही शिक्क्षा-मंत्त-शीख दे तुँओं चलाऐ गुऐ;

रोमियों 6:22

परह् ऐबे पापो शे अजाद हऐयों, अरह् पंणमिश्वर के दास बंणियों, तुँओं फल़ भेटा, जिन्दे लई पबित्रता भेंटी, अरह् तिन्दे का अंत्त अमर-जीवन असो।

रोमियों 6:6

आँमें जाँणोंऐं, के अमाँरा पुराँणा सभाव तिनू आरी शुँल़ी-फ़ाँशी चढ़ाऐ पाँया, जू आँमें पाप के बष दे ने रंह्;

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

कुलुस्सियों 1:21

तुँऐं लोग आप्णें कू-कर्मो के जाँणें पंण्मिश्वर शे दुर्के हऐ गुऐ थिऐ, अरह् तिनके खिलाफी थिऐ;

कुलुस्सियों 3:7

अरह् तुँऐं भे जबे ईनू बुराई दे जीवन बिताँव थिऐ, तअ ईन्दी के मुँताबिक चालो थिऐ।

2 तीमुथियुस 3:13

परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

2 तीमुथियुस 3:6

ईन्ही ही लोगो मुँझ़ी सेजे भे लोग हंदें, जुण्जें के ओकी के घरह् दे चुर्ड़िऐ घुसरियों आँव, अरह् तेसी घरह् की चंचल तिरंई ठंगियों आप्णें बंष दी करह्; जुण्जी तिरंई पाप दी पंड़ी अंदी, अरह् कंई किस्मं की हिछ़याओं की बंष दी फ़ंषी अंदी हों।

तीतुस 1:16

से ऐशो बुलो, के आँमें पंण्मिश्वर जाँणो ऐ, परह् से आप्णे काँम-काज़ लई तैष्णों पर्गट ने कर्दे; किन्देंखे के से शंगाव्णें अरह् अज्ञाँ ना-माँनणों वाल़े असो, अरह् किऐ भे आच्छ़ै काँम-काज़ कर्णो ज़ुगे भे आथी ने।

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

याकूब 1:26

जे कुँऐं आप्खे भगत्त-संत्त जाँण्ल़ा, अरह् आप्णी जीभों दे लगाम ने लाँव, तअ से आप्णें मंन दा धोखा खाँव; अरह् तेस्की भगत्ति बै-कार असो।

1 पतरस 1:14

अज्ञाँ कारी नहाँन्ड़िया जेष्णें तेसी बख्तो की बुरी हिछ़्या के मुताबिक आपु तेसी ढाल़ो दे ने ढल़ै, जेष्णें तुँऐं आगे थिऐ, जबे तुँऐं अजाँण्दे थिऐं।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 18:2

तेने जुराल़ों लेरंह् मारियों बुलो: “ढल़ी गुवो! ढल़ी गुवो! महाँन बेबिलोन ढल़ी गुवो, ऐबे सेजा दुष्ट-आत्त्मा का घरह् आडा, जुण्जा अशुद्ध आत्त्माँवों का ठीकाणाँ, अरह् ऐक नाँम अशुद्ध अरह् शंगाँऊणें पक्क्षी का बसेरा बणीं गुवा थिया।