तीतुस 3:14 - Sirmouri

¹⁴ अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

सिरमौरी नौवाँ नियम

¹⁴ सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

तीतुस 3:14 ပူးပေါင်းရင်းမြစ်များ

मत्ती 21:19

बाटो की टिराँव्टें दा ऐक तेर्मोल़ी का डाल़ दे:खियों, प्रभू यीशू तेसी डाल़ो के नंजीक हुटे, परह् तिनू पाच़ों के सुवाऐ तिन्दो ऊको किऐ ने भेंटी तबे प्रभू यीशू ऐ तेसी डाल़ो खे श्राप-फींट्कारा दिता, “ऐतलो शुभा ताँव दा किऐ फल़ ने लागो”, तबे तेख्णी सेजा डाल़ शुक्की गुवा।

मत्ती 7:19

जियों-जियों डाल़ी दा आछा फल़ ने लागदा, सेजी-सेजी डाल़ी काटियों आगी दी पाऐ देंई दी।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:8

तुवाँरे फल़ की बड़ोत्री दे मेरे बाबा के बड़ियाऐ हों, अरह् तुवाँरा मेरे चैले बंण्णों का ऐजा पाक्का सबुत्त हंदा।

प्रेरितो कै काम 18:3

अरह् तेस्की गंईलो काँम-काज़ कर्णों वाल़ा, तेस्का साथी आप्णाँ काँम-काज़ करदा रूवा; किन्देंखे के से दुईन्नें ऐक ही काँम-काज़ करह् थिऐ, ताँम्बू बाँण्णों का।

प्रेरितो कै काम 20:35

मुँऐ तुँओं कैई शो सब-कुछ करियों देखाओ, के कैशे दाँई मेंह्न्त्त करियों मुँऐ कंमजोर लोग सहम्भाल़े; अरह् प्रभू यीशू के बचन चींत्ते कराँणें जरूरी जाँणें, किन्देंखे के पंण्मिश्वर ऐं आपु ही बुलो; के ‘लोंणों शो देंणों भोलो असो।’”

रोमियों 12:13

पबित्र लोगो खे जू किऐ जरूरी असो, तिन्दी तिनकी साऐता-मंद्द करह्; अरह् पऊँणाँई कर्दे लागे रूऐ।

रोमियों 15:28

ईन्देंखे हाँव ऐजी टह्ल पुरी करियों, अरह् तिनखे चहाँदा देऐयों तुँओं कैई शा चग्राईयों स्पेन खे ज़ाँऊबा।

इफिसियों 4:28

चुरी कर्णो वाल़े हजो चोरी ने करे, परह् ईमानदारी शी आप्णें हाथे मेंहनन्त करे, ईन्देंखे के जैस्के जरूरत्त हों, तेस्खे देणों खे आपु कैई भे किऐ हुओं च़ैई;

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

फिलिप्पियों 4:16

जेशी दाँई जबे हाँव थिस्सलुनीके नंगर दा थिया, तबे भे तुँऐं मेरी घटी पुरी कर्णो खे बार-बार किऐ ना किऐ जरूर डेयाल़ो थिऐ।

फिलिप्पियों 4:17

ऐजो ने के हाँव दाँण चहाँऊ, परह् हाँव ऐशा फल़ चहाऊँ; जुण्जा तुवाँरे फाय्दे खे बढ़दा ज़ाओं।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

1 थिस्सलुनीकियों 2:9

किन्देंखे के, हे भाऐ-बंईणों, तुँऐं अमाँरो छियाँईतोंण अरह् चरी चित्ते करह्; आँमें रात-देस काँम कर्दे तुँओं मुझी पंण्मिश्वर की खुषख्बरी शुँणाँऐं के तुँओं कोसी गाशी भी आँमें बोझ़ ने बंणों।

2 थिस्सलुनीकियों 3:8

अरह् कोसी की रोटी फाल़्तू दी ने खाँई; परह् मेह्न्त अरह् कष्टे शी रात-देस काँम-काज़ करियों, के आँमें कोसी ओकी गाशी बोह्झ़ ने बंणों।

तीतुस 2:8

अरह् ऐशी अछाई हऐं चेंई, के कुँऐं तिन्देखे बुरो ने बुली सको, जिन्दे लई बिरूध कर्णो वाल़े आँमों दी बंदी लाँणों का मुका ने भेंट्णों गाशी सरमाँऐ ज़ाँव।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

2 पतरस 1:8

किन्देंखे के जे ऐजी बातो तुँओं मुँझी हंदी रंह, अरह् बड़्दी ज़ाव, तअ ऐ तुँओं अमाँरे प्रभू यीशू मसीया की पछ़याँण दे निकारे अरह् निषफल़ ने हणों देंदी।