तीतुस 3:12 - Sirmouri

¹² जबे हाँव ताँव कैईं भाऐ-अरतिमास, अरह् भाऐ-तुखिकुस डेयाल़ुबा, तअ मुँह कैईं निकुपुलिस नंगर दी आँणों की कोशिष करे, किन्देंखे के मुँऐं तेथै हेंऊँदो काट्णों का ईरादा करी थुवा।

सिरमौरी नौवाँ नियम

¹² हांव जोबै क्रेते टापू पांदी भाई अरतिमास औरौ भाई तुखिकुस खै छाडु़, तौ मैरै धोरे निकुपुलिस शहर आणौ खै कौचिश कौरेया जिथै मोऐं जाड़ै कै मीनै काटणौ कै ठाणै राए।

तीतुस 3:12 ပူးပေါင်းရင်းမြစ်များ

प्रेरितो कै काम 20:4

पुर्रूस का बैटा सोपत्रुस, अरह् बिरीया नंगर का रंहणों वाल़ा; थिस्सलुनीके नंगर के अरिस्तर्खूस अरह् सेकुन्दुस; दिरबे नंगर का गायुस; तीमुथियुस अरह् आसिया नंगर के तुखिकुस अरह् त्रोफिमुस संत्त-पौलुस की गईलो ज़ाँदे लागे थिऐ।

1 कुरिन्थियों 16:6

परह् हऐ सको के हाँव तुवाँरे ही कागी ठहरी ज़ाँऊ, अरह् शैल़े के देसो हीऊँदों तुँवारी ही कागी काटू, अरह् तबे जबे हाँव किऐ खे ज़ाँणों चहाँऊ, तअ तुँऐं मुँह तेथै खे पह्ऊँचाऐ दिऐ।

इफिसियों 6:21

तुखिकुस, जू प्यारा भाऐ, अरह् प्रभू दा बिश्वाष ज़ूगा दास असो, से तुँओं कैई बादी बातो बुल्दा, के तुँऐं भे मेरे हाल जाँणों के हाँव केष्णा रंह्ऊँ।

कुलुस्सियों 4:7

प्यारे भाऐ-बईणों, अरह् बिश्वाष ज़ुगे दास तुखिकुस, जू प्रभू दा मेरा साथी असो, मेरी बादी बातो तुँओं कैई बुली देंदा।

2 तीमुथियुस 4:12

भाऐ-तुखिकुस मुँऐ इफिसुस नंगर खे डेयाल़ी थुवा।

2 तीमुथियुस 4:21

हेंऊँदो शेल़े शा आगे आँणों की कोशिष करह्; भाऐ-यूबूलुस, अरह् भाऐ-पूदेंस, अरह् भाऐ-लीनुस, बंईण-क्लौदिया, अरह् बादे बिश्वाषी भाऐ-बंईणों का ताँव्खे नमंष्कार।

2 तीमुथियुस 4:9

मुँह कैई शिघे आँणों की कोशिष करह्।