तीतुस 3:1 - Sirmouri

¹ लोगो कैई शो चिते करा, के हाकमों अरह् अधिकारी के अधीन रंह्, अरह् तिनकी अज्ञाँ माँनों, अरह् ऐक नाँम आच्छ़ै काँम-काज़ कर्णो खे तैयार रंह्,

सिरमौरी नौवाँ नियम

¹ बिशवाशी लोगौ खै याद दिया, कै राज्यपाल औरौ औधिकारियो का आदर कौरौ, औरौ तिनकी आज्ञा मानौ, औरौ तिनुखै औकै सौबै आछै काम कौरणै चैंई।

तीतुस 3:1 ပူးပေါင်းရင်းမြစ်များ

मत्ती 22:21

तबे तिन्ऐ प्रभू यीशू खे बुलो, महाँ-राजा कैसर को। तबे प्रभू यीशू ऐ तिनखे बुलो, “जू महाँ-राजा कैसर को असो, सेजो महाँ-राजा कैसर खे दियों, अरह् जुण्जो पंणमिश्वर को असो, सेजो पंणमिश्वर खे दियो।”

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

1 तीमुथियुस 2:2

राजाओं अरह् बादे बह्ड़े ऊँचे पद्-भार वाल़े हाकम खे ईन्देंखे के आँमें बिषाँव अरह् च़ंऐन आरी बादी भगत्ति अरह् नंरमाँई आरी जीवन बिताँव।

1 तीमुथियुस 4:6

जे तू कलीसिया के लोगों कैई शी ईनू बातो चित्ते कराँऐ, तअ तू मसीया यीशू का आछा दास बंणला; जेस्का पालण-पोष्ण, बिश्वाष के कारण, अरह् तेसी ही साच्ची शिक्क्षा के कारण हंला; जेसी तुँऐं माँनी थुवा।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

2 तीमुथियुस 1:6

ईन्देंखे हाँव ताँव कैई शो भे चित्ते कराऊँ, के तू पंण्मिश्वर का सेजा बरंदाँन जुण्जा मेरे हाँथ थंणों के कारण ताँव भेंटा तेसी चंम्काऐ दे।

2 तीमुथियुस 2:14

ईनू बातो के संहम्झ़ लोगो कैई दें, अरह् प्रभू के सहाँम्णें च़ीत्ते कराँदा रंह्; के से बचन गाशी बाद-बिबाद ने करियाँ करह्, जिन्दें लंई किऐ फ़ाय्दा ने हंदी; परह् शुँण्णों वाल़े ईन्दें लंई बिगड़ी ज़ाँव।

2 तीमुथियुस 2:21

ईन्देंखे जुण्जा कुँऐ आदमी आपु आप्खे ईनू गंन्दिगी शा साफ करी दीयों; तअ से आदर-ईज्जत्त को बाँसोंण, अरह् शुँच़ा-शाँख्ल़ा बंणों; अरह् से आप्णें माँलिक के काँम आँदा, अरह् बादे भले काँम-धाँन्धे कर्णो खे तैयार रंह्दा।

तीतुस 1:16

से ऐशो बुलो, के आँमें पंण्मिश्वर जाँणो ऐ, परह् से आप्णे काँम-काज़ लई तैष्णों पर्गट ने कर्दे; किन्देंखे के से शंगाव्णें अरह् अज्ञाँ ना-माँनणों वाल़े असो, अरह् किऐ भे आच्छ़ै काँम-काज़ कर्णो ज़ुगे भे आथी ने।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

तीतुस 3:14

अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

2 पतरस 1:12

ईन्देंखे जे तुँऐं ऐजी बातो जाणों ऐ, अरह् साचे बचन तुँओं भेंटी रूवे, अरह् तुँऐं तिन्दे पाक्के असो, तअ तबे भे हाँव तुँओं खे इन बातो चींत्ते कराँणों खे सदा तियार रंह्ऊँबा।

यहूदा 1:5

तुँऐं ऐजी सच्चाऐ आगे ही जाँणों, तबे भे मेरा मतल्व तुँओं कैई शो चींत्ते कराँणों असो, के प्रभू ऐ आप्णी परजा मिस्र देश शी बंचाऐ छुड़ाऐयों, तिन्ही लोगो का नाँष करी दिता, जुण्जे बिश्वाष शे दुर्के हऐ गुवे थिऐ।