तीतुस 2:7 - Sirmouri

⁷ बादी बातो दे आपु-आप्खे भले काँम-काज़ खे ऐक नंमुना बंणो। तेरी शिक्क्षा दी सफाऐ, गम्बीरता,

सिरमौरी नौवाँ नियम

⁷ ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 2:7 ပူးပေါင်းရင်းမြစ်များ

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

2 कुरिन्थियों 8:8

हाँव अज्ञाँ के हिसाब शे ने, परह् ओकी के होंस्ले शे तुवाँरे पियार की सच्चाई की परख खे बुलू।

इफिसियों 6:24

जुण्जा कुँऐ अमाँरे प्रभू यीशू मसीया शो साच्चो प्यार करह्, तिनू सोभी गाशी अपरंम-पार कृपा हंदी रंह्।

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

2 थिस्सलुनीकियों 3:9

ऐजो ने आथी, के आँमों कैई हंक-अधिकार ने आथी, परह् ईन्दें की ताँईऐ आँमें ऐष्णों करह्, के आँमें तुओं सोभी लोगों की ताँईऐ ऐक नंमुँना बंणों, के तुँऐं भे अमाँरी जेष्णीं चाल-चालो।

1 तीमुथियुस 4:12

कुँऐ भे तेरी जुवाँनी छ़ुटी ने जाँणों, परह् बचन, अरह् चाल-चल्ण, अरह् प्यार, अरह् बिश्वाष, अरह् पबित्रत्ता, दा बादे बिश्वाषी भाई-बंईणों खे ऐक आच्छ़ा-नंमुँना बंणी ज़ाऐ।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

1 पतरस 5:3

जुण्जे लोग तुँओं खे देऐं थुऐं, तिन गाशी हंक-अधिकार ने जताऐं, परह् मंडल़ी खे आदर ज़ुगे बंणों।