तीतुस 2:2 - Sirmouri

² मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

सिरमौरी नौवाँ नियम

² बुजूर्ग मर्द कै आपी पांदी काबू राखणा चैंई औरौ ऐशैखै बर्ताव कौरणा चैंई ताकि लोग तिनका आदर कौरौ औरौ सौमझदारी शै बर्ताव कौरणा चैंई। तिनु पौरमेशवर पांदी मोजबूती शै बिशवाश कौरणा चैंई, औरौ ओकी लोगौआरी सौचाई शै प्यार कौरणा चैंई औरौ सैहनशोकती राखणै चैंई।

तीतुस 2:2 ပူးပေါင်းရင်းမြစ်များ

मरकुस 5:15

तेसी नंगर के लोग जबे प्रभू यीशू कैई आऐ, तअ तिन्ऐं सेजा दुष्ट-आत्त्मा का च़ुड़ा अंदा आदमी भे जेस्दी दुष्ट-आत्त्मा समाऐ रंऐ थी, तेसी खोट्णों बाँम्बियों चुप्पी तिन कैई बईठा अंदा दे:खा, अरह् से डरी गुऐं।

लूका 8:35

लोगे ऐजी घट्णाँ शुणियों जू तेथै हऐ रंऐ थी, तिन्दे दे:ख्दे तेथै आऐं, अरह् तिन्ऐं दे:खो के प्रभू यीशू कैई आऐयों सेजा आदमी भे जैस्शी सैजी दुष्ट-आत्त्मा निक्ल़ी थी, से भे खोटुणो बाम्बियों आछा-भला प्रभू यीशू की लात्तों कैई बईठा अंदा दे:खियों से डरी गुऐ।

प्रेरितो कै काम 24:25

जबे संत्त-पौलुस धार्मिक्त्ता, आत्त्मसंय्म, अरह् आखरी नियाँव के बारे दो बुल्दे लागे; तअ हाकम-फेलिक्स दा डर समाँया अरह् तेने तेस्खे बुलो; “तू ऐसी बख्त्ते ईथै शा आगू ज़ा;” परह् बख्त्त भेट्णों गाशी, हाँव ताँव हजों बंऐदी सकूँ।

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

1 कुरिन्थियों 9:25

ऐक नाँम माल मालिऐ दे बादे दाव लाँव, सेजे भे तेसी ताजो की ताँईऐं जू नाँष बाँन असो; परह् आँमें तअ तियों माँली जित्तणों खे दाव लाँव जू जीवन को मुँकुट-ताज असो, अरह् ना कोद्दी नाष होंदो।

2 कुरिन्थियों 5:13

जे आँमें बै-शुद्ध असो, तअ पंण्मिश्वर खे असो, अरह् जे संकन्नै असो, तअ तुँओं खे असो।

गलातियौं 5:23

नरमाँऐं, अरह् सबैर हों, तअ ऐष्णी-ऐष्णी काँम-काज़ के बिरोध दा किऐ भे निय्म ने आथी।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

1 थिस्सलुनीकियों 5:6

ईन्देंखे आँमें ओकी जैष्णें सुत्ते अंदे ने रंह्, परह् बीऊँजी अरह् संकने रंह्।

1 थिस्सलुनीकियों 5:8

परह् आँमें जू देसो के असो, बिश्वाष अरह् प्यार का चौग्गा बाँम्बियों अरह् छुट्कारे के भोर्षे का टूप्पा लाऐयों संकने रंह्।

1 तीमुथियुस 1:10

बिच्के, चोर-जार, मर्दों की गईलो कू-कर्म कर्णो वाल़े, आदमी के बिक्णों वाल़े, झुठो बोल्णो वाल़े, अरह् झुठी षौ-कस्मी खाणों वाल़े, अरह् ईन्दें के अलावा आछे शिक्क्षा के बादे खिलाफ़्त्त दे रंहणों वाल़े खे बाँणी थंई।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

1 तीमुथियुस 1:2

तीमुथियुस, के नाँम जू बिश्वाष दा मेरा साच्चा बैटा असो: परंम-पिता पंण्मिश्वर अरह् अमाँरे प्रभू यीशू मसीया की ढबे शी ताँव्खे कृपा, अरह् दया-रंय्म अरह् शाँण्त्ति भेंट्दी रंह्।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 तीमुथियुस 3:11

तैष्णीं ही तेसी सेवाक के घरवाल़ी भे ईमाँनदार हों, अरह् ना से गलत्त बात्त करणों वाल़ी, चुंगलियारी ने हों, परह् से च़ौक्क्ष, अरह् बादी बातो दे बिश्वाष ज़ुगीं हंऐ च़ैई।

1 तीमुथियुस 3:2

परह् ईन्देंखे ऐजो जरूरी असो, के अधिकारी ऐक नीर-दोष, ऐक ही घरवाल़ी का माँलक, होष-हाष वाल़ा, आच्छे बीचार वाल़ा, ईज्जत्तदार, अरह् पाँऊणें का आदर-संत्तकार कर्णों वाल़ा; अरह् शिखाँणों वाल़ संम्झ़दार हों;

1 तीमुथियुस 3:4

आप्णे घरह् का आछा ईन्तजाँम कर्णो वाल़ा, अरह् आप्णे नहाँन्ड़िया खे बादी संम्झदारी के अधीन आप्णें बष दे थंहणों वाल़ा हो।

1 तीमुथियुस 3:8

तेष्णा ही कलीसिया दा सेवा कंर्णो वाल़ा आदमी भे ईमाँनदार हुवा च़ैई; अरह् से ना तअ दुगला, च़ुगलियारा, अरह् ना नींच कंमाई का लाल़्ची, अरह् ना सुराऐ चैईं;

1 तीमुथियुस 5:1

कोसी बुड़ा-खाड़ा ने फिट्के, परह् तेसी आप्णा बाबा जिया जाँणियों सम्झाऐ दे, अरह् आपु शे कंम ऊँमर के लोग भे आप्णें भाऐ जिऐ जाँणें;

तीतुस 1:13

ऐजी गुवाह्-शाज़्त्त साची असो, ईन्देंखे के तिनखे शक्त्ताई शी चिताँवणी देया करह्, के से बिश्वाष दे पाक्कै हऐ ज़ाँव,

तीतुस 1:8

बलकी पाऊँणें का आदर कर्णो वाल़ा चेंई, भलाई माँन्णों वाल़ा, मिलाऊँ, नियाँईच़ू, पबित्र अरह् भागोईंत्त हो; आच्छ़ी सोंच होंस्ले वाल़ा हुआ चेंई, अरह् आप्णीं बादीं ज्ञाँन-ईन्द्रियाँ आप्णे बंष दी थों।

तीतुस 2:7

बादी बातो दे आपु-आप्खे भले काँम-काज़ खे ऐक नंमुना बंणो। तेरी शिक्क्षा दी सफाऐ, गम्बीरता,

फिलेमोन 1:9

तबे भे हाँव पियार शी ताँव्खे ढाल-अरज कर्णी जादा आछो जाँणू, हाँव पौलुस जू ऐबे बुड़ी रूवा, अचकालिऐं प्रभू यीशू मसीया के ताँईऐं कय्दी दा असो,

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।

2 पतरस 1:6

आप्णें ज्ञाँन की संयम शा, अरह् तुवाँरा संयम धीरज शा, अरह् तुवाँरा धीरज भग्त्ति शा,