तीतुस 2:14 - Sirmouri

¹⁴ जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

सिरमौरी नौवाँ नियम

¹⁴ यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 2:14 ပူးပေါင်းရင်းမြစ်များ

मत्ती 1:21

तियाँरे बैटा हंदा, अरह् तू तेस्को नाँव यीशू थुऐ, किन्देंखे के से आप्णें लोगो खे तिनके पापो शी छुट्कारा दियादा।”

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 3:12

तिनको शूपो तिनके हाथो दो असो, अरह् से आप्णा खह्ल़ा खह्ल़ियाँन सुवों पुणीं-कारोऐयों साफ कर्दें, अरह् आप्णें गींऊँ कुठारी दे कठे कर्दें, परह् भुस तियों आगी दो जल़ादें जू हिष्णों वाल़ी ने आथी।”

यूहन्ना 10:15

जेष्णाँ बाबा मुँह पंह्छ़ियाँणों, अरह् हाँव बाबा पंह्छ़ियाँणू; तेष्णें ही हाँव आप्णीं भैंड़ो की ताँईऐ आप्णीं जीयाँन-प्राँण देऐ देंऊँ।

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

प्रेरितो कै काम 15:14

शमौन ऐ आँमों खे बुलो, के पंण्मिश्वर ऐ कैशे-कैशे दाँई गऐर-यहूदियों मुँझी; आप्णें नाँव खे ‘खास लोगो’ च़ूण्णों-छ़ाँट्णों की कृपा करी थंऐ।

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

प्रेरितो कै काम 9:36

याफा नंगर दा तबिथा मतलब् यूनानी भाषा दो दोरकास नाँव के ऐक बिश्वाषनी रंह् थी; से बैजाऐ भले-भले काँम-काज़ अरह् दाँण-पूनं करिया करह् थी।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 3:13

मसीया ऐ जिन्ऐं अमाँरी निरभागऐता के अब्ल़ी आपु गाशी लऐयों, मूसा खे भेटे गुऐ अज्ञा-निय्म के रित्ती के निरभागऐता शे आँमों छुडाऐ दिते। किन्देंखे के पबित्र ग्रन्थो दो लिखी थो; के जुण्जा “काठो गाशी टाँगा गुवा, से निरभाग असो!”

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

1 तीमुथियुस 2:10

बलकी भले काँमों शी सजो, किन्देंखे के पंण्मिश्वर की भगत्ती धारण कंर्णो वाल़ी तिरंईयों खे ऐजो ही ठीक भे असो।

1 तीमुथियुस 2:6

जिन्ऐं आपु आप्खे सोभी की ताँईऐं छुट्कारा दियाणों खे आप्णाँ ही बंल़ीदाँण करी दिता, जू पंण्मिश्वर के गुवाह्-शाज़्त्त ठीक बख्तो दे देऐ ज़ाव।

1 तीमुथियुस 6:18

से भलाऐ करह्, अरह् भलाई की काँम-काज़ दे धंनवाँन बंणों, अरह् दयामाँन, अरह् ओकी की मंद्दत्त कर्णो खे तैयार रंह्।

तीतुस 2:7

बादी बातो दे आपु-आप्खे भले काँम-काज़ खे ऐक नंमुना बंणो। तेरी शिक्क्षा दी सफाऐ, गम्बीरता,

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 10:24

अरह् प्यार, अरह् भले काँमों खे होस्ला देऐयों ओका ओकी के चिंन्ता-फिकर करिया करह्;

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

याकूब 4:8

पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।

1 पतरस 1:18

किन्देंखे के तुँऐं जाँणों ऐ के तुवाँरा निकारा चाल-चल़्ण जू तुवाँरे बुड़ाईको शा ऊँबा असो, तिन्दे लई तुवाँरा मुँक्त्ति सुन्नें, चाँदी अरह् नाँष बाँन चीजो के जाँणें ने हऐ रंई;

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

1 यूहन्ना 1:9

जे आँमें आप्णे पाप कबूल करियों मानी पाँव, तअ से अमाँरे पाप माँफ करियों अरह् आँमों सोभी अ-धर्मो शे शुद्ध कर्णो खे प्रभू यीशू बिश्वाष ज़ूगै अरह् धर्मी असो।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;