तीतुस 2:10 - Sirmouri

¹⁰ चोरी चलाकी ने करे, परह् हर-तरह् शे बिश्वाष दे नींक्ल़ै रंह्, अरह् से बादी बातो दे अमाँरे छूट्कारा देणों वाल़े पंण्मिश्वर की शुभा बड़ाँव।

सिरमौरी नौवाँ नियम

¹⁰ चोरी चलाकी नै कौरौ; पौरौ साबित कौरौ कै तुऐं सौदा ईमानदार रौंदै, तिनु ऐशणा बर्ताव कौरणा चैंई, ताकि लोग तिनका बर्ताव दैखैयो तिनका आदर कौरौ ताकि ऐशणाई बर्ताव पौरमेशवर कै बारै मुंजी सौंदेश शुणणौ कै बौजैह बौणौ।

तीतुस 2:10 ပူးပေါင်းရင်းမြစ်များ

मत्ती 24:45

“कुँण्जा असो, सेजा बिश्वाष ज़ूगा, अरह् सम्झदार दास-बैठू, जेस कैई घर का मालिक आप्णें कुँड़बे-घरोऊँच़ीं की जूमेबारी दियों; के से बख्तो के मुँताबिक सोभी खे भोजन खाँणों का ईन्तजाँम करह्।

मत्ती 5:16

ऐशा ही दाँई तुवाँरा प्रकाष आदमी के साम्णें प्रकाषमाँन हुवा चेंई, के तुवाँरे भले काँम-काज दे:खियों, तुवाँरा पिता जू स्वर्गो दा असो, तिनकी बड़ियाऐ करह्।

लूका 1:47

अरह् मेरी आत्त्मा मेरे छुटकारे देणों वाल़े, पंणमिश्वर शी खुशी हऐं।

लूका 1:80

अरह् सेजा टंड्का बढ़दा लागा, अरह् आत्त्मा दा बलवाँन हंदा गुवा, अरह् इस्राएल दा चग्रिणों तोड़ी से जाँगल़ो दा रंह् थिया।

लूका 16:10

“जुण्जा छुटी-शी छुटी बातो दा ईमाँनदार असो, सेजा बड़ी बातो दा भे ईमाँनदार असो; अरह् जुण्जा छुटी शी छुटी बातो दा बंईमाँन असो, सेजा बड़ी शी बड़ी बातो दा भे बईमाँन असो।

यूहन्ना 12:6

तेने ऐजो ईन्देंखे ने बुली, के तेसी गरीब-कंगालो का किऐ फिकर थिया; परह् तैने ऐजो ईन्देंखे बुलो, के से चोर थिया; अरह् तेसी कैई तिनके पंय्सै की थऊँली रंह् थी; अरह् तियों थऊँली दे जुण्जे भे किऐ पंय्सै पाई थिऐ, से तिन्दें मुँझ्शे सेजे पंय्सै चूप्पीं च़ुरियों ऊँडे गाड़ो थिया।

1 कुरिन्थियों 4:2

अरह् ईथे भडारी दी ऐजी बात जरूर दे:खी ज़ाँव, के से बिश्वाष ज़ूगा हुआ चेंई।

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

1 तीमुथियुस 1:1

संत्त-पौलुस के ढबे शा, जू अमाँरे मुँक्त्ति देणों वाल़े पंण्मिश्वर, अरह् अमाँरे भुर्षें के मुँताबिक शा मसीया यीशू की अज्ञाँ शा खास-चैला बंणी रूआ,

1 तीमुथियुस 5:17

जुण्जे दाँने-माँने बुड़े-खाड़े मंजीज लोग, कलीसिया की जुँमेबारी आप्णीं ज़ाँणों; से सोत्तिखे आच्छ़ै आदर-ईज्जत्त ज़ुगे माँनें ज़ाँव, खास करियों सेजै लोग जुण्जे बचन शुँणाँणें, अरह् शिक्क्षा देणों का काँम-काज़ कर्णो खे मेंह्नंत्त करह्।

1 तीमुथियुस 6:1

जैतोड़े बैठू-दास असो, से भे आप्णे-आप्णे माँलिक बह्ड़े आदर-ईज्जत्त ज़ूगै जाँणें, जू के पंण्मिश्वर के नाँव अरह् शिक्क्षा की नीदया ने हों।

1 तीमुथियुस 6:3

जे कुँऐं झ़ुठी शिक्क्षा दियों, अरह् अमाँरे प्रभू यीशू मसीया के बचन ने माँनोंं, जू भगति के मुँताबिक शे असो।

तीतुस 1:3

परह् ठीक बख्तो गाशी आप्णा बचन तेसी प्रचार के जाँणें पर्गट करा, जू अमाँरे छूट्कारा देणों वाल़े पंण्मिश्वर के अज्ञाँ के मुँताबिक मुँह कैई देऐ थुवा।

तीतुस 3:4

परह् जबे अमाँरें मुँक्त्ति कर्णो वाल़े पंण्मिश्वर की कृपा अरह् आदमी गाशी तिनका प्यार पर्गट हुआ,

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।