तीतुस 1:9 - Sirmouri

⁹ अरह् से भुर्षें कर्णो ज़ूगा हुआ चेंई, जू बचन गाशी धर्मो के शिक्क्षा के मुँताबिक शिखाऐ सको, अरह् बिरोध कर्णो वाल़े के मुँह बंन्द करी सको।

सिरमौरी नौवाँ नियम

⁹ तैसी यीशु मसीह कै बारै मुंजी साची सौंदेश पांदी पाका बिशवाश हौणा चैंई जू सौंदेश आमुए तैसी शिखाए राए थिया ताकि सै ओकी लोगौ कै सोही शिक्षा मानणौ कारिए हौंसला दैय सौकौ औरौ साथ कै साथ लोगौ कै सामणै विरोधियों कै पौल खोले सौकौ।

तीतुस 1:9 ပူးပေါင်းရင်းမြစ်များ

प्रेरितो कै काम 18:28

किन्देंखे के से पबित्र-ग्रन्थों शा परमाँण देऐ देऐयों, के यीशू ही मसीया असो; बैजाऐ प्रभाव आरी, यहूदी लोग सोभी के सहाँम्णें बै-जबाब करी दियों थिया।

1 कुरिन्थियों 14:24

परह् जे बादे बरंम्बाणीं कर्दें लागों, अरह् कुँऐं बाईला के बै-बिश्वाषी आदमी कलीसिया दा भिठा आँव, तअ बादे तेसी दोषी-कसूरबार बंणाँऐं देंदे; अरह् पर्खी पाँदे;

1 थिस्सलुनीकियों 5:21

बादी बातो पर्खो-अजमाँव; जू आच्छ़ी असो, तिनू पाकड़ी अंदी थुऐ।

2 थिस्सलुनीकियों 2:15

ईन्देंखे हे भाऐ-बंईणों, पाके रंह्; अरह् जू-जू बातो तुँऐं भाव बचन शी के पत्री शी आँमों कैई शिखी थई, तिनू पाकड़ी अंदी थुऐ।

1 तीमुथियुस 1:10

बिच्के, चोर-जार, मर्दों की गईलो कू-कर्म कर्णो वाल़े, आदमी के बिक्णों वाल़े, झुठो बोल्णो वाल़े, अरह् झुठी षौ-कस्मी खाणों वाल़े, अरह् ईन्दें के अलावा आछे शिक्क्षा के बादे खिलाफ़्त्त दे रंहणों वाल़े खे बाँणी थंई।

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

1 तीमुथियुस 4:9

ऐजी बात साच्ची, अरह् हर ढंग शी माँनणों ज़ूगी असो।

1 तीमुथियुस 6:3

जे कुँऐं झ़ुठी शिक्क्षा दियों, अरह् अमाँरे प्रभू यीशू मसीया के बचन ने माँनोंं, जू भगति के मुँताबिक शे असो।

2 तीमुथियुस 1:13

जुण्जी आच्छ़ी बातो तुँऐं मुँह कैई शी शुँणी थई, तिनू तेसी बिश्वाष अरह् प्यार आरी, जू मसीया यीशू दा असो; तिनू आप्णीं ताँईऐ ऐक नंमुँने के तोर दे च़ींत्ते थुऐ।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

2 तीमुथियुस 3:14

परह् तुऐ आपु तिनू शिक्क्षाओं दा, जुण्जी तुओं भेंटी रंई; अरह् जिन्देंके बारे दे तुऐं भोर्षें दे असो, तिन्दें पाक्कै अट्ल़ रूऐ, अरह् ऐजों च़ीत्ते करियों के कुँणें तुओं खे ऐजी शिक्क्षा देऐ थंऐ।

2 तीमुथियुस 4:3

किन्देंखे के ऐशा बख्त्त आला, के लोग आछ़ी शिक्क्षा संऐन ने करी सको, परह् काँन के काचे हंणों के कारण आप्णी मंन की हिछ़या के मुँताबिक शे आप्खे बैजाऐ भहिते शिक्क्षा देणों वाल़े कठै कर्ले,

तीतुस 1:11

तिनके मुँह बंद कर्णें पड़ो। ऐष्णें लोग नींच-कमाई खे गलत बातो शिखाऐयों घरह् के घरह् बिगाड़ी दियों।

तीतुस 2:1

परह् तू ऐशी बातो बुलिया करह्, जू आच्छ़ी शिक्क्षा ज़ूगी हों।

यहूदा 1:3

हे प्यारों! जबे हाँव तुँओं खे तैसी छुट्कारे के बारे दो लिख्णों खे बैजाऐ मेंह्नत्त कर्णो के कोशिष दा थिया, जिन्दें आँमें बादे साजी असो, तअ मुँऐं ऐजो जरूरी जाँणों के तेसी बिश्वाष खे जरूरी कोशिष करह्, जू पबित्र लोगो खे ऐकी ही बई देऐ थुवा।

प्रकाशितवाक्य 2:25

परह् होर, जुण्जो किऐ तुँओं कैई असो ऐ, तैथू तुँऐं मेरे आँव्णों तोड़ी सुवों करियों संहमाँल़ियों थुऐ।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।