रोमियों 9:24 - Sirmouri

²⁴ मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

सिरमौरी नौवाँ नियम

²⁴ चाहै यहूदी लोग हौंव या बैगानै यहूदी लोग हौंव, आमु सैजै चोणेयौंदे लोग औसौ जिनु पौरमेशवरे चोणे राए।

रोमियों 9:24 ပူးပေါင်းရင်းမြစ်များ

प्रेरितो कै काम 15:14

शमौन ऐ आँमों खे बुलो, के पंण्मिश्वर ऐ कैशे-कैशे दाँई गऐर-यहूदियों मुँझी; आप्णें नाँव खे ‘खास लोगो’ च़ूण्णों-छ़ाँट्णों की कृपा करी थंऐ।

रोमियों 10:12

यहूदियों अरह् यूनानियों दा किऐ भेद्-भाव ने आथी, किन्देंखे के सोभी का प्रभू ऐक ही असो; अरह् आप्णे बादे नाँव जप्णों वाल़े खे से दिल खुलियों आशिर्बाद दियों।

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

प्रकाशितवाक्य 19:9

तबे स्वर्गदूत्ते मुँखे बुलो, “ऐजो लिख: भागोईत असो! सेजे जुण्जें छ़ैल़्टे के जाज़्ड़े-विवाह के भोज दे खाँदें बय्दी थुऐं।” तबे तिन्ऐ मुँखे बुलो, “ऐजे बचन पंण्मिश्वर के साचे बचन असो।”