रोमियों 9:23 - Sirmouri

²³ पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

रोमियों 9:23 ပူးပေါင်းရင်းမြစ်များ

लूका 1:17

से ऋषी-एलिय्याह के आत्त्मा अरह् शक्त्ति दा प्रभू के आगे-आगे चाल्णों वाल़ा बंणियों, बाबा का मंन अलादी की ढबै फेरी देंदा; अरह् अज्ञाँ ना माँनणों वाल़े लोग धरमाँईतों की संम्झ गाशी लियाँदा, अरह् प्रभू खे ऐक खास प्रजा तियार करदा।”

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

रोमियों 2:4

कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 2:7

पंण्मिश्वर ऐ आँमों खे जुण्जी दयालुत्ता यीशू मसीया दे देंखाऐ, तिन्दें लंई आँमों खे आँणों वाल़े ज़ूगौ दे आप्णी अपार कृपा के मुँताबिक देखाऐ दिती;

इफिसियों 3:16

के से आप्णी बड़ियाऐ के धन के मुँताबिक तुँओं खे ऐजो दाँण दियों; के तुँऐं तिनके पबित्र-आत्त्मा शे आप्णें भत्ले आछे बिचार दे शक्त्ति पाँऐयों तागतबर बंणदे ज़ाँव,

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

कुलुस्सियों 1:12

अरह् परंम-पिता पंण्मिश्वर का धन्यबाद कर्दे रह्, तिन्ऐ आँमों ईन्देंखे ज़ुगे बाँणी थुऐ, के चंम्क-तेज दे पबित्र लोगो की गईलो हंकदार के साथी बंणों।

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

1 थिस्सलुनीकियों 5:9

किन्देंखे के पंण्मिश्वर आँमों सजा देणों खे ने, परह् अमाँरे प्रभू यीशू के जाँणें मुँक्त्ति पाँणों खे बंणाऐं थुऐ।

2 तीमुथियुस 2:21

ईन्देंखे जुण्जा कुँऐ आदमी आपु आप्खे ईनू गंन्दिगी शा साफ करी दीयों; तअ से आदर-ईज्जत्त को बाँसोंण, अरह् शुँच़ा-शाँख्ल़ा बंणों; अरह् से आप्णें माँलिक के काँम आँदा, अरह् बादे भले काँम-धाँन्धे कर्णो खे तैयार रंह्दा।