रोमियों 9:11 - Sirmouri

^11-12 बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

सिरमौरी नौवाँ नियम

^11-12 तिनकै पौयदा हौणौ शै आगैई तिनुऐ ना तौ आछौ औरौ ना बुरु कौरे रैई थी पौरौ पौरमेशवरे रिबका कै आगैई बौल़ै राए थियु कै तैरा बौड़ा बैटा नानड़ै कै सेवा कौरदा। प्रभुए ऐजौ दिखाणौ कारिए बौल़ौ कै सै आपणी पसंद खुद बाणौ औरौ ऐजौ कोसी बै काम की बौजैह शै ना थी जू तिनुऐ कौरौ।

रोमियों 9:11 ပူးပေါင်းရင်းမြစ်များ

रोमियों 4:17

जेष्णों पबित्र-ग्रन्थों दो लिखी थो, के “पंणमिश्वर बुलो, के मुँऐं ताँव भहिती गऐर यहूदी का बाबा बंणाऐ थुवा,” तेसी पंणमिश्वर के नंजरी दा अब्राहम अमाँरे बाबा असो, अब्राहमें तेसी पंणमिश्वर गाशी बिश्वाष करा, जुण्जा मरे अंदे ऊबे जीयाल़ो; अरह् जुण्जी बातो आथी ने, तिनका नाँव से तेष्णों लों, के ऐजी बातो असो ऐ।

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

इफिसियों 2:9

अरह् ऐजा छ़ुट्कारा तुवाँरे कोसी आच्छ़े काँम-काज़ का प्रत्तिफ़ल़ ने आथी, के कुँऐ ईन्दा किऐ भे घमंड करह्।

इफिसियों 3:11

पंण्मिश्वर ज़ूगौ-ज़ूगौ शा जू मतल्व आप्णें मंन दा जुण्जा पलान करी थुवा थिया, तिन्ऐ सेजा मतल्व अमाँरे प्रभू यीशू मसीया के जाँणें पुरा करा।

1 थिस्सलुनीकियों 1:4

हे भाऐ-बंईणों, पंण्मिश्वर के प्यारे लोगो, आँमें जाँणो, ऐ के तुँऐं चूणें-छाँटे अंदे लोग असो।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

तीतुस 3:5

तअ तिन्ऐ अमाँरी मुँक्त्ति कराऐ; अरह् ऐजो अमाँरे धर्म की काँम-काज़ के जाँणें ने, जुण्जे आँमें आपु करे, परह् तिनकी दया-रंय्म के जाँणें नुंऐं जन्म के नहाँण-नहाँणों अरह् पबित्र-आत्त्मा के जाँणें नुंऐं बणाऐं गुऐ।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”