रोमियों 8:8 - Sirmouri

⁸ अरह् जुण्जे लोग आप्णी पापी सुभाव के मुताबिक शे चालो, से पंणमिश्वर खुशी ने करी सक्दे।

सिरमौरी नौवाँ नियम

⁸ औरौ जू पापी स्‍वभाव कै काबू दै औसौ, सै पौरमेशवर कै खुश ना कौरे सौकौ।

रोमियों 8:8 ပူးပေါင်းရင်းမြစ်များ

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 8:29

मुँह डेयाल़्णों वाल़ा, मेरी गंईलो असो; तिन्ऐं मुँह ऐक्ली ने छ़ूड़ी थंई, किन्देंखे के हाँव सदा सेजो ही करू; जिन्दें लई से बैजाऐ खुशी हों।”

रोमियों 1:21

ईन्देकी ताँईऐं के पंणमिश्वर जाँण्णों गाशी भे तिन्ऐ पंणमिश्वर ज़ुगी बड़ियाऐं अरह् धन्यबाद ने करी, परह् बेकार के बिचार कर्दें लागे, ऐथै तोड़ी के तिनका बे-अकला मंन बुराई शा भरी गुवा।

रोमियों 7:5

किन्देंखे के जबे आँमें आप्णें मंन की बुरी हिछ़ा के मुताबिक जीऊँदें लागे थिऐ, तअ पाप की हिछ़या जू ऋषी-मूसा खे भेटे गुऐ निय्म के जाँणें आऐ रंऐ थी, मऊँती का फल़ पय्दा कर्णो खे अमाँरे देह्-शरीर के अंगों दी काँम-काज़ करह् थी।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 7:32

तअ: मेरी ऐजी हिछ़ा असो, के तुँऐं संईसारीक जीवन की हिछ़या शा छुट्कारा पाँव, जुण्जे कुँवारे असो, से प्रभू शा संम्बन्ध बाँण्णों गाशी धियान दियों, के आँमें प्रभू कैशे दाँई खुशी करी सको।

फिलिप्पियों 4:18

मुँह कैई सब-कुछ असो, परह् बैजाऐ भे असो, जुण्जी चींजो तुँऐं भाई-इपफ्रुदीतुस कैई डियाल़ी थी, तिनू भेंटियों हाँव छ़क्की गुआ, से तअ सु:खदाय्क खुशबू-दार बंल़ीदाँण असो; जू पंण्मिश्वर के आछ़ा लागो।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

कुलुस्सियों 3:20

हे नहाँन्ड़िया, बादी बातो दे आप्णे माँ-बाबा की अज्ञाँ माँने, किन्देंखे के प्रभू ईन्दें शे ही खुशी हों।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

इब्रानियों 13:16

भलाऐ कर्णी अरह् दया-रंय्म देखाणी ने बिसरे, किन्देंखे के पंण्मिश्वर ऐष्णे बल़ीदाँण शे खुशी हों।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

1 यूहन्ना 3:22

तअ जबे आँमें तिन कैई शी, बिनती करह्, तअ तिन कैई शो आँमों भेटी ज़ाँव; किन्देंखे के आँमें तिनकी अज्ञाँ का पाल़्ण करह्; अरह् तिनकी हिछ़या के मुँताबिक आप्णा सभाव थंह्।